火土燒肉

近排天氣太熱，又成日突然落大雨，唔好話露營，露天嘅地方都唔可以逗留太耐，所以想介紹一間露營燒肉餐廳俾大家，解吓癮，而且味道好好☺️☺️未入去已經見到好大一個營，入去之後仲有feel，我哋人少少，所以揀咗張最似去露營嘅四人枱坐，如果人多仲有幾個大大嘅營可以揀，環境真係好好。食物方便都好好味，尤其推薦燒肉拼盤，有牛、豬、雞，牛肋肉同牛胸腹都非常好味，唔食牛嘅朋友就力推豬五花肉，我每樣都試過，最鍾意都係牛❤️另外提供午市套餐，同樣好豐富，選擇都好多，我哋叫咗份生薑燒豚肉丼定食，入面有好多洋蔥，好好味，豚肉都非常入味，一啖肉配一啖飯真係好正。另外單點咗一份月見雞肉棒同廣島蠔，雞肉棒燒熱就可以配上蛋同汁一齊食，當中仲有粒粒雞軟骨嘅口感。廣島蠔好香，加牛油同蒜已經好好味😋餐廳位置方便，環境又好好，價錢又合理，以後一定會再去食☺️