Video
Read full review
2009-07-07
26 views
以前嚟過佢仲叫「新天地」，依家再嚟就叫咗「江南美廚」，仲以為一雞死一雞鳴，但係見佢內籠環境裝修跟以前一樣，閒聊跟個伙計吹兩句，原來老細無變，伙計都係個一班人，只係改咗個名！細佬生日，乘機一家人約埋食番一餐，揀江南美廚因為就番屋企人，近近地，較就腳！因為生日飯，所以都食得豐富D，一客砂鍋雲吞雞（半隻）、幾款小食：鮮肉小籠包、生煎鍋貼、脆皮素鵝、蘿蔔絲酥餅、加多兩個飽肚嘢：蔥爆牛肉跟薄餅、蘭州三鮮刀切麵，叫咁多嘢，4個人飽到捧住個肚走，連甜品都無叫到！今晚係閒日，加上哩度都唔算搵食旺區，都有七、八乘入座率，可見質素都唔渣得去邊！試過，又確實唔差。砂鍋雲吞雞湯頭都幾甜，雲吞又好足料，連雞肉都估唔到仲係嫩滑，仲驚佢嚡口唔好食添，有少少驚喜！鮮肉小籠包、生煎鍋貼、蘿蔔絲酥餅標明即叫即做，所以上枱時熱辣辣，我哋都趁熱食，三樣都做得有水準！小籠包充滿湯汁，皮又夠薄，餡料味道平穩；鍋貼做得幾大隻，又煎得底夠脆口；蘿蔔絲酥餅其實唔算好好食，但大廚搞吓少少新意，將底部黐D芝麻先去炸，多咗朕芝麻香。不過，個脆皮素鵝就相形見拙，係就係幾脆身，但死因係炸乾咗，咬落比較死實！蔥爆牛肉跟薄餅、蘭州三鮮刀切麵，總之叫
細佬生日，乘機一家人約埋食番一餐，揀江南美廚因為就番屋企人，近近地，較就腳！因為生日飯，所以都食得豐富D，一客砂鍋雲吞雞（半隻）、幾款小食：鮮肉小籠包、生煎鍋貼、脆皮素鵝、蘿蔔絲酥餅、加多兩個飽肚嘢：蔥爆牛肉跟薄餅、蘭州三鮮刀切麵，叫咁多嘢，4個人飽到捧住個肚走，連甜品都無叫到！今晚係閒日，加上哩度都唔算搵食旺區，都有七、八乘入座率，可見質素都唔渣得去邊！試過，又確實唔差。
砂鍋雲吞雞湯頭都幾甜，雲吞又好足料，連雞肉都估唔到仲係嫩滑，仲驚佢嚡口唔好食添，有少少驚喜！
鮮肉小籠包、生煎鍋貼、蘿蔔絲酥餅標明即叫即做，所以上枱時熱辣辣，我哋都趁熱食，三樣都做得有水準！小籠包充滿湯汁，皮又夠薄，餡料味道平穩；鍋貼做得幾大隻，又煎得底夠脆口；蘿蔔絲酥餅其實唔算好好食，但大廚搞吓少少新意，將底部黐D芝麻先去炸，多咗朕芝麻香。不過，個脆皮素鵝就相形見拙，係就係幾脆身，但死因係炸乾咗，咬落比較死實！
蔥爆牛肉跟薄餅、蘭州三鮮刀切麵，總之叫其中一個都夠晒食，貪心咗少少。兩個餸菜中，個人比較鍾意前者：蔥爆牛肉跟薄餅好有水準，大蔥好香，鍾意食大蔥嘅人就一定讚好，相反嘅就怕咗朕大蔥味，加埋爆炒好嘅牛肉，夾係薄餅（好似食片皮鴨個隻薄餅）一齊食，無咁油膩，好味，可惜成碟嘢大蔥好多，牛肉好少。另一個蘭州三鮮刀切麵，三鮮有蝦仁、海參同肉片，整碟份量係OK架，係蝦仁同海參細粒咗D，而D刀切麵睇落好似伊麵，食落口感帶少許煙韌，OK嘅。
Post
