Video
Read full review
2014-03-30
1699 views
First Impression:依間餐廳係一條唔係好起眼既巷仔,但係門口個招牌寫住韓文,所以都易搵到,同埋今次主要為食人參雞以黎既,所以心情都幾興奮.食物方面:因為得2個人食既關係,所以ORDER左人參雞同埋雜錦冷麵. 點單之後,WAITRESS就黎左2碟前菜小食,分別有蘿蔔,芽菜同泡菜. 泡茶既味道唔會太辣得黎有D自家製既風味,所以都覺得幾好味.之後就係雜錦冷麵, 因為餐廳冷氣唔係好夠, 所以就諗住叫個冷麵降降溫. 但係依個好失望, 話就離錦, 但除左得一塊牛展,蛋,配菜外,就係得冰同麵. 食落去仲出事,D麵好硬,好UN,不容易咬碎. 所以我食左一小碗就放棄左.不過既然今次係為左人參雞以黎,我就繼續抱住期待既心情黎等.好彩,最後都冇令我失望.個湯好香人參味,飲落去充滿人參味,唔會話淡.D雞細細隻,D肉好嫩滑. 仲有D糯米,因為吸收D湯,所以好熱同好入味.最後我梗係成碗湯入晒啦.服服方面: 餐廳唔大,得30個位左加,但得2位姨姨幫手落單同執野, 所以落單都要等一陣.其他: 價錢都偏貴(可能因為係太古坊隔離,做商業客),同CWB,TST好味既韓國餐廳差唔多,所以如果餐廳係依個地方,平D
依間餐廳係一條唔係好起眼既巷仔,但係門口個招牌寫住韓文,所以都易搵到,同埋今次主要為食人參雞以黎既,所以心情都幾興奮.
食物方面:
因為得2個人食既關係,所以ORDER左人參雞同埋雜錦冷麵. 點單之後,WAITRESS就黎左2碟前菜小食,分別有蘿蔔,芽菜同泡菜. 泡茶既味道唔會太辣得黎有D自家製既風味,所以都覺得幾好味.
之後就係雜錦冷麵, 因為餐廳冷氣唔係好夠, 所以就諗住叫個冷麵降降溫. 但係依個好失望, 話就離錦, 但除左得一塊牛展,蛋,配菜外,就係得冰同麵. 食落去仲出事,D麵好硬,好UN,不容易咬碎. 所以我食左一小碗就放棄左.
不過既然今次係為左人參雞以黎,我就繼續抱住期待既心情黎等.好彩,最後都冇令我失望.個湯好香人參味,飲落去充滿人參味,唔會話淡.D雞細細隻,D肉好嫩滑. 仲有D糯米,因為吸收D湯,所以好熱同好入味.最後我梗係成碗湯入晒啦.
服服方面: 餐廳唔大,得30個位左加,但得2位姨姨幫手落單同執野, 所以落單都要等一陣.
其他: 價錢都偏貴(可能因為係太古坊隔離,做商業客),同CWB,TST好味既韓國餐廳差唔多,所以如果餐廳係依個地方,平D就會比較合理.
Post
