琥酌 (Moved) New Location

好耐冇出尖沙咀行街同開餐啦！朋友話想出去逛逛吹吹海風，咁就行完先醫肚啦！傾下行下就到咗海防道，諗起上次已經想去食琥酌的安格斯牛吉列，今晚有機會啦！上到去，都有不少客人都有叫安格斯牛吉列！好精緻呀！自助形式去燒香啲安格斯牛肉，有得玩，有得食！我們只燒了大約一分鐘就夾起來食，牛肉本身好有肉味，個吉列脆又有口感，真的好味道！唔怪得咁受歡迎啦！主菜未到之前，有個醒胃小菜，有八爪魚，中華沙律醫下個肚仔先！叫咗個角切魚生飯（大盛），好多刺身，又有好香的魚子醬拌來吃，不錯的選擇！琥酌吉列盛合，有炸蝦，炸蠔，炸薯餅，蝦同蠔都好新鮮！雖然係炸物，但不會覺得油膩！而且還很脆口！侍應服務很有禮貌！值得一讚！除了尖沙嘴有店外，太子也有，下次要過太子試下先！