美味餃子店

Open Now

Now Closed

前兩日星期日已想來試，點知原來星期日吾開，今晚嚟太子想食生菜魚肉，點知排長龍，所以嚟食咗餃子先……原來呢度都出名，又係要排隊，雖然已入秋，但都排到汗流浹背，不過，一場嚟到，十多人都照排隊等啦……老闆都好貼心，放咗把風扇在門口吹住條隊，抵讚！呢度有四張大圓枱都坐滿，本來想試勻木耳椰菜餃、韮菜餃及白菜餃，但白菜餃賣晒，所以兩個人叫咗十隻湯的椰菜餃拼韮菜餃及十隻煎韮菜餃……湯清得嚟有味，放湯的餃子大大隻，好好味，皮薄吾厚，食倒餡料足吾馬虎，而煎韮菜餃，皮薄有肉汁，煎得夠脆夠熱好香口，好好食，難怪咁客人排隊啦，不過我估閒日吾係繁忙時間嚟好D。2個人每人總共食咗10隻餃子，已飽咗8、9成了，好滿足好滿意的一餐！