牛匠石燒 (Closed)

好似好耐冇食過燒肉，路過金馬倫道，見到用石板燒咁過癮，就走咗入去試吓好唔好食。入面有卡位都幾好坐，手機落單叫咗少少野食。安格斯牛小排牛肉肉油花均勻，肉質都幾高，每一塊都入口即化。調味料有照燒汁同埋芝麻薑汁。石碟用固體酒精加熱，唔會好似一般火爐咁熱，但係加熱之後又夠火力。蒜片加熱後連埋生菜一齊食勁正。無激素雞頸肉又試吓食啲特別野，雞頸肉起骨都幾刁鑽。有彈性但係好淋。鹽蔥燒牛舌盛丼主食一定要，佢似係韓式撈飯，有紫菜、芽菜、泡菜、蝦皮、甘荀、雞蛋。牛匠彩虹水果茶估唔到燒肉店啲飲品都咁好飲，有橙、菠蘿、藍莓、百香果，勁足料。藍莓乳酸乳酸梳打都正，今次試吓藍莓味，偏甜少少。