金船長餐廳 (Closed)

好耐冇食西餐啦，終於有機會可以同男朋友食返餐好嘅。今日嚟到大角咀嘅金船長試吓佢，餐廳用左船來做主題，餐廳入面有好多航海嘅裝飾，感覺好新鮮，今次就同男朋友叫咗店裏面嘅招牌菜黑松露醬意式馬斯卡普芝士pizza。我對黑松露有一種情意結，好鍾意佢嗰陣味道。同一般嘅Pizza唔同佢係圓圈架，而且有啲似三文治咁，原來Pizza三個食法架，第一個方法就係直接攞嚟食，濃郁嘅芝士味同埋黑松露嘅味道係口裏面。第二個方法呢就係點提子果醋，果醋好清新食落去就冇咁膩，而最後一個方法呢就係夾埋啲有機沙律菜嚟食，口感層次好豐富呀超級surprise !食完pizza梗係要食埋意粉啦，依個香煎紐西蘭牛柳配黑椒意粉好好味，牛柳充滿質感，口感同味道都一流😬 另外我哋仲叫咗個香煎海鱸魚併帆立貝，海鮮好新鮮好好味啊，鱸魚煎得好香啊，口感岩岩好架。最後仲叫咗一杯甜白酒來試吓但係成晚真係好perfect