滾餃

Open Now

Now Closed

突然間想食清清地食餃子，就諗起駱駝漆工廈有一間餃子店都幾多人食過話好食！今次試咗三款湯餃配兩款湯仲加左個小食涼拌青瓜。1. 雙拼湯餃 韭菜豬肉餃拼香菇粟米豬肉餃 加烏冬配蕃茄湯先講吓個湯，絕對有驚喜，蕃茄湯蕃茄味濃又足料，有紅蘿蔔、洋蔥、薯仔，個湯就咁飲都好好味，酸酸甜甜好開胃，同啲餃子都好夾。至於個餃子，韭菜豬肉餃子，餃子皮都算滑，唔會話係粉粉地嗰種，韭菜香味濃郁，都算好食，但唔算太特別。反而，香菇粟米豬肉餃配埋蕃茄湯，味道好夾，粟米好甜配埋個豬肉餃子一齊食幾有咬口😚😚😚，但係就略嫌香菇味唔夠出。2.蒜芯鮮蝦豬肉餃配豬骨湯先講吓個湯，同一般公仔麵嗰啲湯頭有啲似，但佢都唔算太龍尾唔會話太味精，但就冇乜特別，如果俾我揀都係番茄湯好味啲。但係個餃子鮮蝦好彈牙，有咬口，蝦味都幾出，都算足料☺️☺️☺️，都有少少酸味，幾香口。3.小食涼拌青瓜青瓜份量都算多，不過略嫌偏酸，但蒜頭都幾香口，辣辣地！不過如果可以再多少少麻油，豉油帶返多少少嘅鹹味香味，就會好過只有醋酸味。*ps:另外，我幾鍾意小店，有自己嘅辣菜譜，都幾嘢未，配埋餃子一齊食，提升咗餃子嘅味道！