木子居酒屋

Open Now

Now Closed

大圍除咗商場之外，都有一系列嘅小店值得大家支持，不妨走入小巷捐窿捐罅。前菜先有牛油果三文魚沙律🥗感覺清新怡人，三文魚份量都好多，而且非常厚身，加上粒粒嘅爆汁魚子，撈一撈非常開胃。單單一碟刺身沙律又點會夠呢，額外叫咗一份磯煮鮑魚，醬油漬牡丹蝦！鮑魚食落去甜甜地，最鍾意係佢嘅口感，冰凍得來又夠爽口，而牡丹蝦真係好大條，肉質鮮甜。小食方面當然唔少得吉列炸蠔，大隻炸得金黃鬆脆，入口肥美，旁邊更加有沙律菜，減輕一下油膩嘅感覺。繼續叫多咗一份三色腐皮海賊，品嚐口味，分別有吞拿魚、三文魚蟹籽沙律、吞拿魚蓉，蟹膏蟹肉，襯上甜甜地嘅腐皮所包裹，口感都豐富。主食有福岡蕎麥麵，趁天氣唔係好凍嘅時候繼續旋風式吸入蕎麥麵，好鍾意彈牙嘅口感，加上天婦羅碎、同埋溫泉蛋，平凡之中亦都顯得一點唔簡單！