Video
Read full review
2017-03-05
311 views
星期日最開心就係一家人外出試新食店，Lee間店新開無耐一直都好想試，因為有好多特別及有特色嘅食物，真係好啱大人同小朋友一起試下。上次無訂位要等無得食，今日專登提早訂座，6點開餐，店內地方又舒服又乾淨，比多個like先。先嚟個前菜"青芥木耳"，本身我個人好鐘意食芥辣及木耳，芥辣略帶刺激攻鼻感，木耳又爽脆，真係可以唔停咁食，又加上木耳有益，真係無得輸呀！再講下最想試嘅美食"玉桂香鴨"，一上菜就一人一件先，個個都讚，好香，皮脆帶小小鹹味剛剛好，真係好惹味，再嚟都會食。"有機豆漿娃娃"小朋友好鐘意，娃娃菜清甜，連豆漿都比佢哋飲埋，真誇張。"咕嚕豚肉"初初覺得價錢係貴咗D，上菜先知真係足份量喎，因為好多豚肉。只係豚肉略為"淋"咗D，唔夠香脆可口，個汁唔夠酸，但整體都OK嘅，仲有一件燒菠蘿，雖然凍咗，但都好甜好味。至於特色就係一D有不同造型的食物喇，今次試咗其中兩款 : 第一款"粉紅玫瑰"，清淡玫瑰花香配煉奶，味道OK。第二款"紫薯喵星人"，啱晒唔願食嘢嘅小朋友，一見到就會坐定定，乖乖地慢慢食，味道都唔錯。還有兩樣，愛好咸蛋黃味道嘅話，可以考慮下 :"荷葉蒸飯"，內有蝦及咸蛋黃，成個蒸飯包括蝦肉及
先嚟個前菜"青芥木耳"，本身我個人好鐘意食芥辣及木耳，芥辣略帶刺激攻鼻感，木耳又爽脆，真係可以唔停咁食，又加上木耳有益，真係無得輸呀！
再講下最想試嘅美食"玉桂香鴨"，一上菜就一人一件先，個個都讚，好香，皮脆帶小小鹹味剛剛好，真係好惹味，再嚟都會食。
"有機豆漿娃娃"小朋友好鐘意，娃娃菜清甜，連豆漿都比佢哋飲埋，真誇張。
"咕嚕豚肉"初初覺得價錢係貴咗D，上菜先知真係足份量喎，因為好多豚肉。只係豚肉略為"淋"咗D，唔夠香脆可口，個汁唔夠酸，但整體都OK嘅，仲有一件燒菠蘿，雖然凍咗，但都好甜好味。
至於特色就係一D有不同造型的食物喇，今次試咗其中兩款 : 第一款"粉紅玫瑰"，清淡玫瑰花香配煉奶，味道OK。
第二款"紫薯喵星人"，啱晒唔願食嘢嘅小朋友，一見到就會坐定定，乖乖地慢慢食，味道都唔錯。
還有兩樣，愛好咸蛋黃味道嘅話，可以考慮下 :"荷葉蒸飯"，內有蝦及咸蛋黃，成個蒸飯包括蝦肉及荷葉香味都被咸蛋黃嘅濃香味道掩蓋，飯都唔會太濕，味道OK。
"金沙蘿蔔糕"，蘿蔔足料夠清甜唔會粉，所以入面較"淋"身，讚！外面一樣係充滿住咸蛋黃嘅濃香味道，都好配，旁邊有炸蓮藕伴碟，口感脆脆地硬硬地，都幾特別。
Post
