盈福28 (Closed)

因為在這裏訂座可以有25分亞洲萬里通哩數，我便貪新鮮試試看，可能不是太多人用，我們一到達服務人員便知道我們是訂了座👍。坐下來點餐，它有些點心也頗新穎，例如小豬嘜🐷外形的飽點，雪山义燒包也有頗特別炒粉麵，我們還叫了一個鰻魚汁乾炒牛河、桂香乳鴿等，特別之餘味道不錯👍佩服大廚的創意。說到服務人員的服務態度，因為我想肯定亞洲萬里通哩數會入我户口，便問問其中一個穿著西裝外套的部長，但是原來他也不清楚，我再問另一位，她説幫我問問，最後有一個先生過來解釋，原來他們已經有紀錄，他們會通報OpenRice 的，他們都很有禮貌

長老生日，隨意選了盈福，可能係鍾意好意頭。星期日，等了一會才入座 ，招待差了一點，坐下叫人有點困難，應該是星期天客人較多的緣故吧。點了乳鴿，記得剛開幕時免費試吃，而家40蚊到一隻，水準都仲保持到。另外叫了南瓜海鮮炒飯，原隻南瓜🎃上，還有黃金四季豆，脆脆的（加了鹹蛋黃炸？）確係幾好味，不過熱量就⋯⋯另外點心叫了貓貓造型的紫薯包，不過隻貓貓個樣好似好嬲咁😂，另外，見龍蝦有等價$88蚊 叫了芝士，加烏冬底（加$25，另有清湯伊麵選擇）味道不俗，當然價錢與龍蝦肉成正比，算不過不失。埋單大概一人$150，也算實惠。

看過食評，知道食店價格不親民但味道卻好，於是選這間食慶生飯。它位於千色店樓下，在莆田隔離。我們預早book了位，18:00開餐。初時得幾檯客，但不消15分鐘卻已坐滿9成。這裏圓檯只坐到6位，超過6位就要坐長檯。我們檯上放了一個熱茶保溫瓶，我最 like，容量大，而且可以時刻飲到熱茶。檯與檯的距離不逼，感覺舒服。員工個個都 nice及有禮，滿意~我地5大2小，叫了11款食物：1. 乳鴿：我地叫咗3隻，員工幫我地一開四，很窩心~隻鴿size 細咗d，但夠熱又香脆，好好味2. 雪影叉燒包：5錯，孩子食到5停口3. 燒魚粒：用錫紙整咗個天鵝器皿，上檯時點著火，賣相超得！味道5特別，但啱我呢d唔食魚骨既人4. 沙薑豬手：以霸王雞既手法去整，加勁香蒜。每口細細粒，夠入味5. 醉雞：雞好滑，花雕味濃6. 雞絲粉皮：麻醬夠香，忍5住不停食7. 四色燒賣：呢個5得，實咗。。。8. 蜜瓜黑豚肉：脆醬夠薄，黑豚肉5實，入味，讚9. 松葉蟹芥末春卷：皮好薄脆，芥末味帶出新鮮感10. 擔擔麵：覺得佢既辣味同其他滬式有點不同，那種擔擔味5夠濃郁11. 蕃茄海鮮湯飯：幾清新，湯底好味，5係太多海鮮茶$：10/位前菜

話說我要請父母食餐好gei,左度右度最後決定去呢間新派酒樓,貪佢點心夠潮~小菜都好特別~作為麵包控gei我一開始已經叫左好多包類~紫薯喵星人外型好可愛,不過紫薯本身味道比較弱,所以成個包味道不足奶皇包就正啦~cup個搞笑印仔,裡面D奶皇好甜,麵包又滑我貪得意叫左個花菇松露49比父母,可惜又係無o羊味但猛虎咬一口就好食啦~肉gei味道好濃好惹味.同甜甜地gei麵包一齊食互補不足麻麻雞拉皮從外面睇好似無o羊雞肉咁,原來寶物沉歸底,撈完之後發現好多肉,而且麻醬好香~加上又好多蔬菜,夠健康南瓜海鮮炒飯係我強烈推薦的菜式,因為佢份量真係好多,一家4口食一定食唔曬,重點係連外面個南瓜都可以挖肉出來食,飯粒又有甜甜gei南瓜味,好開胃~~海鮮茄湯泡飯都係另一推介正餐,湯泡飯好健康,一D都唔肥膩,番茄味道好濃所以湯飯好甜,上面仲有好多舊海鮮,好味~~同我一樣係蔬菜系就叫呢個龍鬚芥蘭啦~一般出面呢道菜都會乾身D,我鐘意佢有少少濕潤gei感覺,用杞子作菜又養生D,芥蘭咁樣處理爽脆好多,會令人忍唔住不停放入口,雖然係油光閃閃,但一D油膩感覺都無!叫柚子蝦餃純粹係因為外型好可愛,所以好有興趣試下係咪真係咁柚子

行過見門口時，俾門口張”點心半價”嘅海報吸引左入去，入座後先發覺，原來唔係所有點心都有半價架，唔怪得門口只得一張餐牌，無點心張紙俾人睇下啦！環境方面 - 餐廳環境舒服，枱同枱之間有一定距離、唔擠迫。服務方面 - 侍應說話時係有禮貌嘅，不過，剛坐下唔夠幾分鐘，同一侍應已問左我三次叫得野食未，大把吉枱嘅情況下，感覺好似吹我咁。- 同隔離枱一齊入座，對方已話櫈上有支用過嘅牙籤同牙籤套，要求換枱，侍應竟然一手掃落地下，俾番個客坐，omg.....食物質素 - 茶帶淡淡嘅菊花味，連我不愛飲菊花茶也覺得好味、唔錯。- 野食全部都熱辣辣，賣相很好，好用心做咁雪山叉燒飽 - 皮好薄，同叉燒餡好夾，叉燒又好juicy，好味道！懷舊馬拉糕 - 無乜特別，味道同酒樓一樣雲吞擔擔麵 - 賣相好靚，但雲吞皮口太厚，有點硬、麵太林，麻麻...鮮蝦菜苗餃 - 皮薄、蝦好大粒，好味真流沙煎堆 - 皮太厚、好漏，入面無乜奶皇，完全唔覺有流沙，其中一粒個底本身係串左嘅，入面吉吉地、令到本身已小嘅奶皇更加唔知去左邊，失望！食後感- 野食大致上都好味，不過，係份量細左d了！- 食時要留意，不是每樣點心也有半價啊～小記所叫的也

我朋友講左九萬幾次話馬鞍山有間食廣東菜嘅食市，佢地製的砂礓豬手好好味一定要去試下。我就即管去試下，睇下係咪真係咁好食。一試之下，發現真係無講錯，D豬手唔係一般沙姜汁去煮，味道有沙姜味得來又好似用滷水汁預先滷過，而且全部去曬骨，啖啖肉，真係超美味，我一定會再嚟食過。另外佢地的鴿，皮脆肉嫩，香味撲鼻。而且仲好抵死。但經常都會賣曬😃。有機會不妨去試一試。

盈福28是米芝蓮食店, 已是第三次來, 已過最旺的中午時段, 大約2:15pm , 不用等位。環境清雅, 牆上掛有具中國娃娃特色的掛畫, 枱與枱之間的距離適合, 可以坐得很寛閑。我們點了「春卷」、「脆皮啤梨」、「脆皮牛魔點」、「玉桂香鴿」和「花菇松露」。 「春卷」  炸得很脆, 味道和一般酒樓的味道一樣, 沒有太大驚喜, 很喜歡用營光小桶盛載  很別緻。「脆皮啤梨」 店員端上桌時, 我不期然講出「好得意啊! 」 形狀做到很似真實啤梨, 炸熟後仍保持到啤梨綠色, 真的很棒, 啤梨頂用了朱古力百力C, 味道似是炸鹹水角, 味道很香, 調味適中, 仍然保持很熱, 熱的點心才好吃噢!「脆皮牛魔點醬」是油炸鬼釀入牛肉, 味道頗惹味, 好脆好香口, 雖然感到油膩, 點得這菜式也預料到, 也沒問題, 飲多杯茶來解膩吧! 「玉桂香鴿」 和之前兩次一樣保持水準, 炸得剛好, 皮薄肉嫩, 多肉又juicy, 有著很香的醃料香草味, 猜估是玉桂味吧 (因為名叫「玉桂香鴿」), 店舖提供膠手套和骨筒, 這方面頗細心。「花菇松露」這款松露包造形是做得好似, 包餡是菇菌加上松露醬味, 食食吓覺得苦苦哋, 唔知係咪

一稔起食咩就係一個字[ 煩 ] , 尤其喺沙田返工更煩 , 因為日返工已經對住嗰幾間,放工後稔食咩就絕對唔想喺附近食。把心一橫不如去遠啲 , 突然稔起馬鞍山裝修不久多咗好多食肆,選擇較多,於是乎就求其揀咗宜間。裝修似茶餐廳但價錢就同酒樓一樣選擇唔算多,都係有2-3張好似點心紙咁比你剔。前後一共叫咗7碟1) 霸王別雞 - 沙薑雞呢碟嘢貌相唔錯,不過一咬落去無咩雞味啲肉仲好鬼實2)桂花蜜瓜豚肉呢個就唔錯,用咗桂花同蜜瓜去煮,啲肉唔(鞋),幾特別3) 四川擔擔麵唔太正宗 ( 始終唔係四川鋪 )但都可以嘅4) 金香四季豆故名思意就係用咸蛋煮四季豆啦！唔錯唔錯味道唔太咸有口感5) 水煮魚唔太辣,合乎港人口味,但由於個人比較喜辣,所以覺得比較淡 ( 水煮魚應該係麻辣但沒有此感覺 )6) 鬼馬流沙包外型有趣鬼馬.可惜太甜7) 南瓜蛋白餃皮非常精形通透,但一挾即皮開肉跌食唔到南瓜味,似蝦餃總括如要求不高還是可以的,但本人則覺得比較一般,價錢唔太值

喺美食沙漠中總算係搵到一間幾滿意嘅食肆今日一家人食晚飯揀咗喺盈福28度食，大家食完都幾滿意餐廳內環境幾好，牆上掛住好多幾得意既畫作。感覺新潮得來又有啲中國風。而且枱與枱之間都幾闊落，唔會覺得好迫夾。始終一家人食飯最驚就係同隔離枱啲人黐埋晒一齊。我哋叫咗晚市四人套餐，另外再加兩隻乳鴿同埋咕嚕肉第一碟上嘅就係乳鴿燒乳鴿味道非常好夠晒味而且燒得好香。冷盤炸蒜雞同埋Wasabi木耳兩個冷盤都非常之吸引， Wasabi木耳食落有少少攻鼻但係好清新嘅感覺另外炸蒜雞份量都好足夠 我地6個人都覺得好夠海鮮豆腐羹睇落清淡但係食落原來好夠味而且分量充足啲蝦有新鮮豆腐又夠滑。菠蘿咕嚕肉係另外叫嘅小菜，但係相比其他小菜呢個略為失色豬肉太厚粉同埋比較淡口味。仲有個瑤柱金菇西蘭花，但係唔記得咗影。西蘭花瑤柱味極重好似去飲嗰陣咁嘅味道，我自己比較鍾意同會推介西蘭花仲有呢個荷花飯有少少似鹹蛋黃蒸荷葉飯蛋黃味濃最後仲有呢個陳皮糕😋喺食咗咁多味小菜後清清口腔亦都係不錯嘅選擇。總結，喺沙漠中都搵到一個小綠洲下次仍然會再幫襯。

今晚好激氣😡😡😡上星期15/12打電話到馬鞍山盈福28 book19/12食冬至飯，當時接電話的話如果12位只得近門口一張大枱，我話冇所謂，book咗19:30。今晚19:25去到，看見門口大枱有人坐緊，仲要剛開始進食冇幾耐，於是問那個職員，他竟然好似餐廳咁同我拍埋啲細枱俾我，我話我訂了到點解要咁？於是搵佢manager ，當然最後梗係冇枱俾我喇，而呢個manager當然又係耍我喇，又話處理又話盛，由我19:25到19:50仲企門口等，我的長老們全企在門口等，當然最後梗係冇位喇！

而家愈開愈多新派中菜點心酒家，為了迎合年青族群的口味，點心用料雖然與昔日無異，但造型就加入很多創新意念，務求老中青三代同樣可以享受中式飮茶的文化和樂趣，但價錢就相對比一般傳統中式酒樓來得貴一點。但始終香港人都喜歡星期日一家大小一起吃餐飯，共聚天倫、閒話家常，吃點心飲茶還是當中的首選！金沙蘿蔔糕（$53）👍👍👍👍先說造型，切粒的蘿蔔糕外包著金黃的鹹蛋黃，像積木般砌高，下面有脆炸蓮藕薄脆，外型吸引。味道方面，軟滑的蘿蔔糕包着鹹蛋黃，味道甘香軟糯，令人不禁一口接一口吃。伴碟的薄脆蓮藕片也很好味。雪山义燒包（$38）👍👍👍👍一碟有三個包，外皮鬆軟，值得一讚；义燒饀料和醬汁味道都很好味，如果size大些就更好。自家手抓餅（$39）👍👍👍👍手抓餅沒有肥膩感覺，配合肉鬆很惹味，但由於肉鬆是現成的，所以如果餅皮可以，就不會出錯。原個南瓜海鮮炒飯（$108）👍👍👍👍海鮮炒飯炒得很乾身，份量也不少，價錢合理。茶@10玄米綠茶，味道帶有淡淡玄米的香味，沒有其他選擇。內在環境餐牌 用滙X信用咭結賬，可享九折

之前好欣賞呢間既新派點心，又睇得又食得。今日決定再會一會佢，不用等位，仲可以俾我地揀坐邊。呢度由二人檯到十人檯都有，照顧吾同的需要。可惜今次佢換了menu, 特色點心的款式少左，多了小菜。而特色點心好多都是包點？我的柚子蝦餃去左邊？😫 不過食晏時間所以吾想點小菜呢。結果點了鮮蝦雲吞，腸粉扎扎跳（XON醬腸份） 和麻醋伴麵。 水準平穩，冇咩驚喜。順帶一提，食滿$200 用𣾀豐卡簽賬可以享有九折。食晏都用得著，抵食！

因為阿囡鐘意個豬豬包 所以同佢去食 但價錢貴 味道一般 服務態度差 只係食左兩碗雲吞麵加3個豬豬包就230元 睇番張單連阿囡歲半大坐張bb 椅 水都無飲過佢一啖 都話係佔坐要計茶錢 11元 拎位講明兩大一B 都唔講聲 之后咁樣收錢 就有d似比人屈錢 雖然唔係多錢 但感覺唔太舒服 希望會些改善

好耐冇同屋企一齊岀街食晚飯 今日就特登去左新港城食 本身諗住食parkview 點知老豆想食中菜多過西餐 所以就去左隔離食***好驚喜地覺得係高級版嘅茶餐廳加茶樓mix版 野食唔係話好平 但at least覺得係精緻高質我地叫左個乳鴿 都係30幾蚊隻 幾掋食 肉嫩唔錯 跟住炒左個菜幾有鍋氣但可惜食落口有d沙 所以轉左個通菜 服務算係咁 另外仲叫多個南瓜炒飯 對於呢個本人覺得味道爭少少但勝在外表夠創意 真係為個大南瓜 下次會想試其他野食

啤梨好像是鹹水角，啤梨椗是百力支。外形絕對是一百分，但味道就不如外形了。柚子蝦餃外皮有柚子香，不過皮有點過厚。算是頗有新意又可以的點心。不同表情的包，女朋友很喜歡。入面包了鴨肉的涼菜，很開胃。