原の味 (Closed)

我雖然人窮，但係久唔久呢都喜歡鍾意食嚇好嘢，咁樣先至係人生嘛，反正今日唔知聽日事，未來世界會係點樣嘅世界。侍應生話呢度啲串燒好好食，所以我先叫兩條串燒嚟食，就係燒鰻魚同埋燒牛脷，唔係講笑 見到就知道係有料到，一睇就知道係用心製作，鰻魚好鮮味，牛脷燒到火喉啱啱好，而且用嘅奶牛脷心特別嫩，真係冇得輸！之後又嗌咗個壽司，壽司個名叫終極卷物，但就真係好多餡料，又海膽又三文魚子，係冇得輸！食完壽司再加多個意粉，呢個意粉好味道呢，真係超乎想像，唔係講笑，真係食完都想再返尋味。