ABC Kitchen

Open Now

Now Closed

同事介紹話好多人，外國人都嚟食，成個場佔上三分一嘅檯都是這店，點都要試下吧，打電話訂座時，粗聲粗氣，問我想訂幾點，咁就六點半，佢先話好，無問題，但點知就收線時，就話 “我地開七點，唔好咁早到“，勁攪笑，點解唔同我說開七點呢。。。一坐低睇餐牌，預咗貴，但確實有些離地，熟食市場環境，收大酒店價錢，二百元一碟主菜，五十元一個甜品，卅幾一杯啤酒，不包任何湯，咖啡，奶茶，全部另加錢。食物算好味，乳豬皮非常脆，薯仔，紅菜頭，配菜亦調味甚佳，羊架是靚料，食落沒有任何筋，不會食到有渣，七成熟要求，廚師亦做到，甜品，意大利芝士餅，好味道，比UCC更好多，（上次UCC好難食）但真係好嘈雜，兩個人五百元都唔夠找數，以環境地點，價錢確實離譜貴。