味道樂居酒屋 (元州街) (Closed)

長沙灣近期開了不同的特色食肆，啲一間係其中一間區內人士嘅至愛之選，經常到座無虛席，今日都不例外。入到去見到係日式居酒屋嘅陳設，打開餐牌，一於樣樣都試吓啦。秋刀魚刺身刺身方面，要了原條秋刀魚刺身，原條上桌，非常之新鮮味美，有香濃嘅魚味，岩晒啲鍾意食魚嘅人。另外佢好細心地俾咗啲姜蓉同埋香蔥，用來作調味之用。池魚王壽司/三文魚籽甜蝦蓉壽司池魚新鮮味美，甜蝦蓉比較特別唔係好多間日式料理食到，配埋三文魚籽亦都不錯的。原條鰻魚飯來到上枱時差啲俾佢嚇親，又會咁大條嘅，可能一把間尺都唔夠佢長，除咗大之外又厚又juicy又軟綿，正!汁燒大白鱔反而呢個白鱔係中式style既，爽口彈牙有魚味無泥味，加埋啲燒汁，又係第二個食法喎!芝麻雞翼外邊脆卜卜，入邊好多汁，好鮮味，上枱熱辣辣，新鮮炸起但是不油膩，不錯！巨峰提子乳酸梳打一路食一路飲一路傾計，配埋杯乳酸梳打，賞心樂事。