德家日式燒肉店 (Closed)

朋友臨時話想食燒肉放題，我地黎創興試下walkin，上到4樓，德家燒肉。閒日6點幾鐘，餐廳都未算多人，唔洗等位。呢度以卡位為主，通風都幾足夠，唔算太侷促。半放題形式，先跟人數比左碟肉（冇得追加既），五款既特選牛肉包括有牛肋肉、牛胸腹、厚切牛舌、牛頸脊、一口牛。仲有自助沙律Bar同各種既冷盤，有凍蝦同青口。飲品就有果汁，茶類同啤酒類。另外係order紙既，就任點任食。仲有9款任食嘅高質牛肉：極上牛脊肉、一口牛、牛肋肉、黑蒜油薄牛舌、牛脊肉、香草牛肋條、牛舌薄切同骨付牛肋肉。我地total order左2轉，小食多滋味啊嘛！總結每款肉都好新鮮，調味都幾好，下次黎再食多幾轉就好啦。