Poking

今日放工要趕住走，剛好又在上環，呢d咁熱嘅日子梗係想食啲清新啲嘅嘢，於是第一樣諗到嘅就係呢間兆成行對面嘅寶藏小店！呢間餐廳真係好適合想食得健康啲或者減肥一次你食，所有嘢食亦都可以自由選擇配搭，一定可以揀到一樣自己啱食嘅嘢，最主要就係啲嘢食夠大塊，另外打卡其實都好靚。今日我叫咗個I am Greedy，改咗唔要飯，反而就係要藜麥粟米沙律，咁樣當做晚餐冇咁飽肚，亦唔需要吸收咁多澱粉質。另外我都加咗八爪魚同埋牛油果，呢度嘅牛油果真係勁好食，仲係半個咁樣相， Creamy嘅質感真係冇得頂。至於飲品，我就要咗蜂蜜柚子茶，唔會太甜，啱晒呢啲天氣。