十三少 (Closed)

出元朗做完野勁肚餓，孖同事去食呢間元朗好出名嘅酸菜魚醫肚。十三少酸菜魚酸菜魚可以少辣👍🏻店員介紹係用鮮魚骨熬製，可以飲左湯先。湯真係幾鮮甜，唔係得個酸，同事都飲左兩碗。魚片冇骨真係好方便，大大塊啖啖肉。其他材料有炸過嘅菇片、芝麻、酸菜、蘿蔔、萵筍片，好豐富。麻婆豆腐勁好餸飯嘅一味，整體唔會好辣啱我地口味。豆腐滑到夾唔起，再入味啲就更加好食。椒麻皮蛋第一次食呢種金黃色嘅皮蛋，好有驚喜。事關普通皮蛋如果就咁涼拌好易有陣味，呢隻皮蛋就完全冇問題，啲辣油好香，酸酸辣辣幾過癮。紅糖糍粑食完辣野要再食甜野中和翻😌紅糖糍粑即叫即炸，熱辣辣食外脆內煙韌，好正。紅糖醬唔會死甜，仲有浸蔗糖香味。兩碗白飯大碗到滿瀉，但所有餸都好啱餸飯，結果清晒。