Terrace in seaside (海運大廈)

Open Now

Now Closed

聖誕睇商場佈置再加發哥影展，順手黎左食韓國過江龍，主打韓式洋輕食，岩哂我老婆嘅。撞正12月有Promotion，「落雪了！刨芝士系列」，加$35任刨芝士。最抵係「少少芝士黑松露油薯條」+Follow 社交平台，15秒刨芝士鋪滿成碟薯條，免費有一杯外表有濃厚綠色奶泡嘅西柚綠茶，有半個柚子喺杯底，清新中帶酸甜，慳返$58！個薯條芝士味超濃配即炸薯條超正。韓式奶油排骨鍋，我地揀咗辣味，排骨入味少少香辣帶甜，紅白蘿蔔都好甜，仲有沾滿醬汁嘅年糕同韓國粉絲做配料。呢度嘅Risotto 一d都唔膩，粒粒八爪魚意大利燉飯醬汁香濃之餘，八爪魚粒軟軟又入味。應節食品仲有Waffle，除咗個名好長，仲相當好味。「不會爬煙囪的聖誕老人朱古力窩夫」好香烤朱古力味，少甜，外脆內軟。留意返，每個窩夫都插左聖誕葉，仲有個好可愛嘅聖誕老人，好有心機整。Service唔錯，唔算貴，會encore。