廣東人小廚 (Moved) New Location

想去呢間野食好耐啦，星期日終於同女朋友去左。火鍋同燒烤一齊食，感覺的確好新奇。火鍋叫左冬蔭公湯底，味道ok，不夠辣，酸味適中。用來灼肥牛味道幾夾。點左幾樣都ok，係豬潤唔係黃沙既，差d。燒烤食物不錯，只要自己留意唔好燒“濃”就好。燒完食物有燒火香味，非常好。重點一提，服務好得出奇！全程有人教要點燒，要點整，仲批埋粟米，撈埋牛油。食完好滿意。好好味，好滿足。但埋單就真係貴左d既。我諗多d人黎，share食會好d。如果有d set 就更好啦。