廣東人小廚 (Moved) New Location

想去呢間野食好耐啦，星期日終於同女朋友去左。火鍋同燒烤一齊食，感覺的確好新奇。火鍋叫左冬蔭公湯底，味道ok，不夠辣，酸味適中。用來灼肥牛味道幾夾。點左幾樣都ok，係豬潤唔係黃沙既，差d。燒烤食物不錯，只要自己留意唔好燒“濃”就好。燒完食物有燒火香味，非常好。重點一提，服務好得出奇！全程有人教要點燒，要點整，仲批埋粟米，撈埋牛油。食完好滿意。好好味，好滿足。但埋單就真係貴左d既。我諗多d人黎，share食會好d。如果有d set 就更好啦。

天氣凍凍地, 最好打邊爐。係Shatin其實選擇不多,最後去依間,因為有位唔洗等。不過坐低左,就有少少後悔。因為價錢一啲都唔平,係大酒樓價錢,大排檔格局。老實一句,有得打邊爐又可以串燒,其實感覺好新鮮,所以都唔會因為價錢而影響心情。叫咗羊肉、菇、雞翼及金沙骨串燒，羊肉要左兩串,雞翼一串有三隻,金沙骨就淨係得壹件,十幾廿蚊,真係好金嘅金沙骨。至於火鍋，叫咗冬陰公湯底,味道一般,又唔係太濃,$88湯底有蕃茄、水、蝦等等，但做火鍋湯底就真係淡咗少少。火鍋料就叫咗一啲美國肥牛,仲有兩碟菜,加埋響鈴。肥牛大大件，不過得個幾塊，咁就百幾蚊,真係好鬼貴。兩個人,食咗四百幾蚊,真係好貴！

千萬不要去這間食店，A級價錢，D級水準，火鍋湯底完全冇味，仲要淨係加水，完本已經冇味架啦！仲加水.....👍👍👍牛肉細碟收$188,雞脾一隻$46,牛仔骨一條，斬開三件，每件收$20。雞扒$38，再叫塊雞皮$10，塊雞扒係冇雞皮，隔離就係我另外叫嗰塊雞皮👍👍👍叫稻庭烏冬，佢就嚟咗碟普通烏冬，到我哋問佢，佢至話今日冇稻庭烏冬。阿老闆！兩者價錢是不一樣的！你知道嗎??????我朋友話，因為沙田冇乜兢爭，所以食物幾差都有人幫襯。Ok!! Fine!! 😡😡😡三個人，埋單$795~完全物無所值😤😤😤

星期六放假~諗住約埋三五知己去食飯,但又諗唔到食咩~其中一位朋友就推介黎呢間食....起初聽到係要食室外都冇咩所謂啦~跟住仲要話係要食炭燒+打邊爐~~~心里就不禁講左句"痴線的....大熱天時食炭燒,真係前世未熱過"。但無耐真係諗唔到食咩,只好順住瘋子的意思~硬住頭皮去試下~~ 由於都幾早到 ,所以唔使等就有位。一去到見到個場同一般大排檔無咩唔同~係張台多左個大窿......跟住就開始叫野食,我地主力係食炭燒食物~首先叫左菠羅、羊架、海鮮同d平時BBQ的材料啦~~~~上場首先整左D波羅黎醒下胃先,跟住就係考真功夫的時候,燒海鮮~好在我地當中有個朋友對BBQ好有研究,所以由佢去發揮係一個好的選擇~~~場內提供的調味料有好多,可以任君選擇~~有好的廚師加上又有D好新鮮的海鮮~大家越食越知味。 燒燒下開始覺得熱,叫左D啤酒啤啤佢~~同其他地方不同的係用戰鬥碗黎飲啤唔係用杯~~真係覺得飲起黎好有FEEL~一班人係個咁FREE的環境下~把酒談心真係一個唔錯的選擇~~ 食下食下店內越來越多人,跟住放在場的調味料就不夠用~而且加炭又有D費時~~所以要

同好多人一樣，睇左無記的夜宵磨而發現這家店，同時剛有朋友在國外回來，又想不到食咩，所以希望試一下體驗一些較特別點菜式。原本想話打個電話訂個位，不用去到等，點知阿姐話先到先得，有點失望，但都不礙我們想試試的心情。大約七點去到，有放枱的位置已坐滿人（上晝落雨，少左枱），等左10分鐘左右，可能有點熱冇乜人。坐上枱即時拎起menu，點左個海鮮煱，叫左D菜同海鮮清清腸胃先。但因為要準備炭爐同煱所以等左約十分鐘，又要等個煱滾，所以有開始叫到可以落野用左20分鐘左右。首先，個煱係幾足料的，有D蝦同大蜆配撘羅白薯仔等。跟住係我們叫的海鮮，有元貝、蝦等，都幾新鮮大隻，對得起呢個價$。唯一爭少少係配豉油的調味料，只有4種，不太滿足到我呢D喜歡混醬的客人。打完邊爐，隨即就換上燒烤裝備。轉換速度尚算快，我們叫了牛肉、豬扒、厚多士、海鮮等，這些都需要閣下自己的個人手藝。食物醃得不錯，但唯獨雞中翼差左小小，有點淡。最值得一提的係原條燒茄子，老板見我地攪到一頭煙，就出手教我地點整，本來本人並不好茄子，但試過老板的手勢，真的停不了口~最後，我覺得夏天先來燒野食真係要做足準備，真係幾熱。但係為左食出風味，都值得一試。推

話說，睇完無記個節目介紹，好似幾正，咁就同個朋友遠道而來試一試。一黎到就有位唔駛等。坐低之後睇下價錢，貴就貴左啲，但心諗應該好食既。叫左個醉雞窩，同幾碟for 打邊爐的。醉雞好快就到左，個炭爐就要等多10分鐘先到。好開始打，食件雞，無雞味、無酒味 、少少少藥材味。心諗應該未入味姐，跟手試下個湯底。出事！中伏！個湯咁淡無味既。我以為係咪佢落少左野呀，就叫左個伙記黎問。我:點解個湯無咩味既？伙記:有人鐘意食濃，有人鐘意食淡。人人口味都唔同。心諗，姐係我有問題？依個係咩答案？隔黎台聽到我依段對話，就轉個頭同我講，岩咖係咁淡咖，你無講錯。咁叫左，無奈都要食埋佢，食到一半個煲無哂湯。個姐姐見到就問我駛唔駛加水。我問：加水？定加湯？姐姐：我地得水加我：已經無味喇wo,再加未變白颯！\_/ "食完已經成肚氣，賣單每人要$250。依個價錢可以食得好好了,仲要係唔好食。無下次。

食左出名嘅大眼雞火鍋，同埋燒烤。首先食火煱，半份醉雞，同一份花雕肥牛，兩樣野都好普通，完全冇酒味，又冇肉味••••••差！！而且又唔平，湯底加碟半份嘅雞加肥牛，已經五舊水。之後開始燒烤，燒左隻乳鴿，但實際係一隻老鴿，好難燒，搞左好耐，鴿皮燒到焦黑，鴿肉好un。燒野個area好Q細，你燒緊隻鴿時，其他野乜都燒唔到，好冇引。最慶係果舊羊架，見佢poster有四舊，諗住每人食一舊，點知黎左得一舊，多謝42蚊，冇聽錯，係一舊羊架42蚊呀，真經典。味道方面都可以，好似韓燒咁囉。羊肉串加牛肉串都係極其普通。仲有d南瓜串燒個心係燒極唔熟，型狀顏色係南瓜，但係食落冇南瓜味！嗚〜最安慰係最後食+最平嘅燒茄子，加左生蒜同七味粉，幾特別，好香口。去呢間野係因為睇左無記個夜消磨，如果各位係慕名而來的話，我真心覺得可以一免。最差係花花絲襪個位姐姐服務態度好差囉！雖然呢d地方係冇諗過有咩服務態度可言，但係可以好聲好氣d囉！家下欠左你咩？超憤怒的一還生日飯！最慘係食完好似冇食過野咁囉！要再食過，但係埋單要$1500蚊，真心覺得俾得呢個價錢你可以食到更好既野！

當日我同太太兩個晚上8點零到左 問個女職員攞張飛等位 唔知係唔係之前電視介紹過 個職員覺得唔憂做 個女士態度已經好燥底 等廿幾張枱 都唔緊要啦 好食就得 坐低左即時叫野食啦 叫左個天麻魚頭鍋 推介的大眼雞 元貝 羊架 肥牛等等 我地係火鍋加燒烤 醬料係自助的 去攞醬料發覺冇辣椒問個阿姐攞 佢竟然話有就有冇就冇 d野食到晒 等左十幾分鐘個爐先到 講真 食物認真麻麻 個魚頭鍋一啲味都冇 好似用清水湯底咁 牛肉128 好食的話呢個價錢ok的 但只係10零塊普通過普通的牛肉 初時我地食係打算邊火鍋邊燒的 但個店員話而家個火太猛燒會好快燶 咁食到咁上下就放條大眼雞同元貝燒啦 燒燒下發覺冇咩火 叫個店員換炭 個店員話有火唔換 果時個鍋已經唔滾啦 個店員仲要同其他同事講d說話單單打打 到個火真係差不多冇晒再叫人換 但個店員話燒緊炭要等陣 於是我地的大眼雞同元貝就在冇火的炭爐悶左廿幾分鐘 味道係點唔洗講啦 條魚都係夾左兩啖即時埋單走人 真係從來未去過一間咁既還廳

星期日夜晚, 家人提議食呢間~去之前都唔知食咩, 去到原來係食炭爐打邊爐+BBQ...心知不妙。據過往經驗, 逄係自己燒烤既都好難好食得去邊...18:30 到, 佢地D位扎擺到一街都你係, 唔知點解好多人企晒係到食等位等到20:00...終於有位但帶我地7 人去咗個完全無燈光既位開枱...咁黑, 點食呀? 想睇下D野熟未都好難啦要求換第二度光D既位, 有個阿叔就開另一張枱俾我地(露天), 好過無啦(有幾張枱有光燈射住, 我地呢邊無)張木摺枱中間有個人手開既長方形洞, 相信係用黎放炭爐食物到了, 窩到了, 大家就對住中間個長方形洞等等等等多半粒鐘先有人得閒上個爐佢地用既其實唔係炭, 而係大陸用既煤炭, 即係圓型中間有好多個洞個種...得唔得ga...兩條生茄子成條上, 生魚都係成條上, 但個爐上咗個窩後得一半位又唔夠位燒唯有燒下乳鴿, 另一邊打住邊爐先燒乳鴿...結果因為太猛火, 燈光又唔夠, 燒到外面黑晒, 入面依然係生...燒羊架, 情怳都一樣, 佢d生肉全部都無味...要我地自己加d味粉先有少少味打邊爐食物只叫咗: 肥牛(得6-8片), 墨魚丸, 蟹子丸, 響鈴, 皇帝菜係肥牛幾

行過聞到都覺得香，同班friend黎試試先! 炭爐燒烤，8成自己燒，店員都會幫手燒下。叫左幾十樣野，難以盡述。最深刻既:大眼雞 X 2 : 要encore因為鹽燒太正! 成層鹽倒係條魚外面，燒完剝皮，魚肉多汁，滑!蜆 X 5 : 一定要加水燒，熟左都KEEP住D汁，鮮。茄子 X 2: 自己燒左隻，好麻麻。呢個時候，高手出現!!! 佢就係店員高佬，顧名思義，高佬一名。條茄子燒得好有大陸街邊風味，正! 有時間可以同高佬吹下水，佢都幾風趣。豆卜 X 10: 燒到卜卜脆。蕃薯 X 2: 又係高佬傑作，當係甜品食，食完滿足晒。　其他廿幾樣野包括腸仔、雞翼、菇等等普通野啦。好唔好食視乎閣下功力。呢度有樣好就係各樣調味料有齊，孜然粉、黑椒、七味粉、鹽、蜜糖，乜都有。自己唔識燒就要摸住石頭過河甘，自己探索下。都幾好玩既。呢度可以一炭爐兩食，可以只係燒野食，或者加個爐打邊爐都得。我地剩係燒都飽飽。埋單，千幾蚊五個人，瘋狂甘食，算係甘。價錢一般，風味一流。值得一試。

一開始見到個價錢就覺得唔對路，所以我地唔敢叫咁多野先；點之，正如我地所料，果D用黎BBQ嘅肉完全冇味，好似就噉將啲肉喺雪櫃攞出黎然後解凍後就比客人；叫咗一客蒜蓉包，結果一塊麵包上面只係得一滴牛油咁就八蚊；重有打邊爐果煲成晚都未滾過，但我地個人就超級滾；我地只係食咗幾粒丸同條菜同幾片牛肉，埋單成$680，一D都唔飽，跟住要去隔離果間大泰國由頭食過，勁憤怒！以後都唔會再去！！

我同朋友上次來過hot pot, 已經感覺佢地食物質數有番咁上下..今次, 好愛食嘢既我地, 一於試吓佢地個燒烤… 結果.... 我以為自己去左,港島香格里拉食鐵板燒 !!!!話說我地好早到, 一心一意想試食之餘, 就系想搵個OPEN AREA吹下水.. 一直聽講, 以佢地個價錢來講, 「廣東人」食物都好有QUALITY, 點知……. MY GOODNESS, 除左「新鮮」, 「新鮮」, 同埋「新鮮」之外, 就系好好食.佢地SERVICE好到無人有 !!!! 而且, 不得不讚佢地好識運用調味料, 將食物味道提升… 幸運既我地, 一開始嗰位高佬哥哥為左令我地真真正正了解佢地公司食物品質, 全程幫我地燒烤…!!!!!!!!!!!!!!!!!!!!!!!!!!!!!! 而且, 唔好講笑, 真系好有水準. 以我個人睇法, 真系同,港島香格里拉有得比 !!! (QUALITY + SERVICE)唔系只系燒咁簡單, 仲好正咁上埋枱, 你地睇下個茄子就知道 !! 高佬哥哥吹得,玩得.. 好似我以前去香格里拉個鐵板燒師父咁, 邊忙邊吹水… 我地系有幸!!之後, 另一位服務員亦好proud of佢地店

香港另一美食店,宜家炭燒地方唔多!我听介紹市區有炭燒火鍋又燒烤两食,就去闖闖.食店環境大排當咁,感覺几好,坐系路邊燈光都還可以,手切肥牛靚又爽口.燒蠔又大隻,D丸火鍋又得,燒又得,燒羊架都有,至正就系成隻筷子咁長既10寸 燒大蝦,去過就知值得一試!句句真話!

報紙雜誌電台都一致推介"廣東人小廚"心唸唔會差得去邊，點知完全中"伏"。---------------------環境一流～凍天氣坐街邊對住個火爐，BBQ打邊爐飲啤酒，氣氛很好。---------------------食物九流～一碟100蚊的手切牛，份量極少，重要係無牛味唔新鮮牛肉，咁都拿得出來。其他配料價錢還算正常，但品質不能接受。完全唔想食....--------------------態度無厘頭～問佢拿醬料時，佢望住我，之後手指指住放埋一邊的醬料，示意醬料是自助的，但佢全程無講過野...---------------------總結～當日"享受"廣東人小廚，大家心情都麻麻，又未飽，又唔想銀包再受罪，最後都係要去第二度食番餐好既來調整番心情...

踏完單車，訂定打個生日火鍋。足料，新鮮手切我地叫左THAI ”冬蔭公“湯底，其實起初味道有點奇怪，CO﹣COUNT 奶味比較重打左一陣D 配材，牛肉滾下滾好正！！！重點可一邊打一邊BBQ！！！MUST TRY ITEM 燒茄子，呢道有個哥仔服務好好，又教我地燒又幫我地整埋， 好正！！我地其實在路邊打邊爐，真係好有風味，好來無試過LA！！！！＊呢道個RESTROOM好型，用拍卡型式，不過用磗頭甘大既拍卡器， 洗手間好清潔，可以盡BEER BEER佢都有清潔洗手間。食物，風味，清潔合於一身。老闆重不收我地三十幾零頭及小費，話我地下小雨又無換台又無投訴。 服務呢D咪係service law