活在茶下

Open Now

Now Closed

食咗雞蛋仔鐵觀音雪糕，價錢算小貴，不過味道唔錯，而且夠特別，喺得海港城食呢個價錢都可以接受嘅。但係真心奉勸呢間舖頭正視吓嗰位男店員嘅態度問題。啱啱碌左一下以前啲評論，發現原來已經有好幾個人發表左相同嘅感想。嗰位男店員由落單到收銀全程態度非常不耐煩，對客人極不友善，最後領取食物嗰陣仲呼喝客人「羹呀！！」對第一次幫襯嘅客人嚟講，唔熟悉你哋嘅程序，反應慢少少都好正常啩？有必要咁嘅態度嘛？老實講，你哋嘅食物有質素有特色，俾個別員工影響形象就太可惜喇。可能佢做嘢好叻好有能力，但係似乎唔適合接待客人囉。