鳥森 (Closed)

今日一個人黎左銅鑼灣Apple整耳機，時間未到就諗住食埋個lunch，系附近search到恩平道亨利中心有間餐廳食串燒，醫肚同時可以消磨下時間！Lunch menu總共有9個選擇，包括唔同的串燒套餐同定食套餐等等，而每個套餐都會包豐富的前菜，好抵食！而今次選左Set A精選串燒六本！前菜包括有茶碗蒸、雞湯、沙律同漬物，好豐富！雞湯好出色，超濃雞味，感覺放左好多只雞落去煲！精選串燒六本包括有橫隔肌、黑豚豬腩串、紫蘇黑芋豚肉卷、蛋黃漬免治雞肉棒、茄子同冬菇！茄子同冬菇燒得好juicy，唔會燒到好乾身；蛋黃漬免治雞肉棒系整得比較結身的蛋黃，感覺比平時的生蛋黃口感更好；橫隔肌油脂滿滿肉質彈牙；紫蘇黑芋豚肉卷口感好特別紫蘇配芋頭都幾夾；黑豚豬腩串好有油香惹味！除左串燒外，仲會配埋紫菜白飯，加上套餐所配串燒的蛋黃漬，甜甜的燒肉汁，真系無得輸！餐飲所選的伯爵茶同樣驚喜，伯爵茶味超濃郁，好飲！