水戶日本料理 (Closed)

第一次去。本來抱着試伏嘅心態去。食完之後覺得環境好，服務好，食材新鮮，份量大，最緊要係好味。我哋叫咗好多嘢食。但唔係全部都有影到相。叫咗個藍旗吞拿魚，同埋三文魚刺身。非常之大件。應該係出面嘅兩倍以上。一片差唔多有2cm厚。三文魚非常之新鮮肥美，一啲腥味都冇。吞拿魚更加唔使講，又係非常之新鮮。肉質非常之綿密柔軟。我覺得自己好似食緊好實嘅雪糕咁。但當然佢唔係雪糕唔會化成水，所以我真係好難形容嗰個感覺。魚肉鮮甜。一啲腥味都冇。我哋再叫咗豬軟骨手打烏冬配豬骨湯。烏冬非常之煙韌，唔會好似出面嗰啲煮到爛晒咁。豬骨湯亦都濃郁好味。豬軟骨入味好林。軟殼蟹卷非常之大件。軟殼蟹非常之鬆脆。好味。泡菜豬肉煲。底下有方粉絲，又係非常之大份。好抵食。滑蛋豬扒飯又係好大碗。啲飯粒粒分明，唔係一坺屎咁樣。除咗洋蔥佢仲會有啲蘑菇定冬菇咁嘅嘢，令到個蛋汁更加多味道。我覺得豬扒如果可以厚啲啲仲好。同埋如果可以多少少汁撈飯嘅話會再好啲。