泰尚泰國菜館

Open Now

Now Closed

今日過堅尼地城同fd食lunch，呢間fd推介大份抵食好味既泰國菜，一試便愛上了。原來舖頭兩個舖位，我去咗其中一個，店內未到1點已八成滿，落單點咗兩個泰式濕炒河，一個配牛肉，另一個配雞肉。濕炒河上枱係大大碗，仲有好多肉同爽口青菜，菜入口爽脆唔會過淋，肉既份量算多，河粉唔會過咸，真係好好味。個fd話以前濕炒仲更加大份，更抵食，而家份量比以前算少咗。跟餐仲送例湯，湯都多渣，類似冬瓜湯，幾好味。飲品揀咗泰式奶茶，唔記得講要熱飲，待應自動轉凍飲，每杯加$2。泰式奶茶有陣淡淡香草味，如果熱飲會更好味。呢餐泰國lunch幾抵食，難怪變咗港大職員飯堂。