Video
Read full review
2019-02-15
171 views
平時火鍋都係一份份上碟，哩間火鍋店大多數係一串串架，又幾有趣過癮仲要價錢唔貴，7點前入座都係$148加1，星期五六日加$10（2小時任食）串串自助吧裡食物款式都算多，肉類較少，比較多係蔬菜類。飲品款式同數量都多呀，仲有啤酒飲。然後到個鍋啦，湯底揀咗麻辣中辣，其實唔係太辣，不過都食落條脷幾麻，幾一串串食物放入去打邊爐，真係好特別好吸引，一串串食落都好方便，唔洗用筷子🥢我覺得最好食係雞腎，食咁十幾串呀，好爽口彈牙，一D都唔老呀D肉麻辣雞肉串就無咩辣味，腌製的味道都一般；蔬菜類同出面無咩特別，但食材新鮮既仲有剔剔落單紙叫咗一份份既食物，有牛肉真心好味，任食既質素黎講確實係非常好，牛肉既厚度適中，肉質嫩口，一個字正，不過每次落單一碟份量好少（以上是每次落單的3人份量）然後沙白size好細粒，成粒BB硯咁🙈不過都新鮮，蝦好搞笑係煮熟了咗上碟，每次落單每人得1隻蝦，份量比較少鴨紅同平時食開無咩特別，是一般既感覺；魚皮餃都普通正常最般食埋個雪糕同芒果布甸作完結，雪糕雲呢拿味，都幾好味；布甸無咩芒果味，一般般（芒果布甸因為趕住賣單無影相）埋單人均$173，2小時任食真心好抵，食足2小時無停過，可能係D
串串自助吧裡食物款式都算多，肉類較少，比較多係蔬菜類。
飲品款式同數量都多呀，仲有啤酒飲。
中辣串串鍋
25 views
0 likes
0 comments
然後到個鍋啦，湯底揀咗麻辣中辣，其實唔係太辣，不過都食落條脷幾麻，幾一串串食物放入去打邊爐，真係好特別好吸引，一串串食落都好方便，唔洗用筷子🥢
我覺得最好食係雞腎，食咁十幾串呀，好爽口彈牙，一D都唔老呀D肉麻辣雞肉串就無咩辣味，腌製的味道都一般；蔬菜類同出面無咩特別，但食材新鮮既
牛肉
19 views
0 likes
0 comments
沙白+蝦
17 views
0 likes
0 comments
然後沙白size好細粒，成粒BB硯咁🙈不過都新鮮，蝦好搞笑係煮熟了咗上碟，每次落單每人得1隻蝦，份量比較少
鴨紅+魚皮餃
21 views
0 likes
0 comments
鴨紅同平時食開無咩特別，是一般既感覺；魚皮餃都普通正常
雪糕
25 views
0 likes
0 comments
最般食埋個雪糕同芒果布甸作完結，雪糕雲呢拿味，都幾好味；布甸無咩芒果味，一般般（芒果布甸因為趕住賣單無影相）
埋單人均$173，2小時任食真心好抵，食足2小時無停過，可能係D份量少，但都上菜好快，食得好飽不過間店既營業手法有D唔係咁好，仲有半小時時間食野，賣單先無問題，但又急住幫你熄火，明明仲有碟牛肉未滾，都熄咗火；明明仲食緊野都收咗你碟豉油好趕住想清枱比人咁，但重點無未食完同埋仲未夠鐘，希望店家老闆睇到會改善下
同埋明明我地3個人6:54坐底咗，賣單時話入機既入座時間係7:00，個價錢差$10唔係問題，但咁樣做生意唔多老實，結果同職員講佢都當返我地食7點前入座減返$10（之前都試過去其他店食野，都遇過咁既情況）真心建議大家食野賣單要睇清楚收據
總結：職員態度都好友善，但做生意手法有小d問題，如果唔係職員好態度好服務，我實會好唔滿意。
食物質素高，選擇多，性價比高抵食飽肚，味道都好高質，但剔剔落單紙點既一份份食物就量較細份
備註：衛生麻麻地，見到職員會用返客人食過既串串竹籤輕輕放入水裡洗一下，馬上拎上來入廚房，應該是重用竹籤，感覺就好唔衛生
Post
