佳人餐廳 (Closed)

其實好耐之前已經去過一次，仲記得上次係食乾炒牛河，因為炒得唔錯唔太油，加上話俾廿蚊有隻生蠔食(上次身體不適冇食)，所以對呢間餐廳有啲念念不忘。今次喺始創睇完醫生都要行返嚟搵食。同朋友叫個大pizza同魚多士，好味！Pizza係辣肉腸咩咩咩味(唔好意思唔記得咩味)，好足料，夠熱，不過我覺得個派邊整得脆啲仲正！魚多士，唔腥，好脆，唔油，得！我朋友就食多隻焗蠔，超熱，朋友話好得，又唔腥，下次一定要食生嘅！咁嘅份量兩人分真係食到飽飽，呢間餐廳一定會encore！