四眼仔腸粉

Open Now

Now Closed

早前途經，見好多人買嘢食，但冇得坐，不以為意。再次經過時，又見好多人買嘢食，於是望清楚啲賣乜，原來豬皮，腸粉，魚蛋，燒賣…等，咁嗰次又食咗嘢冇試。今個星期，又嚟呢頭，決心試吓!舖頭細細，大半都係廚部，餘下一條大概2人濶的路，靠牆有張窄身牆枱。去到時已有人排隊，雖然得幾款食物，都心大心細要唔要全試，最後點了$7腸粉，$4燒賣同$3墨丸。店少東好細心提示"小心(竹)籤吉手"行咗大概15分鐘去到朋友家開餐，食物仲熱熱的。腸粉軟滑，甜麻醬不多不少，豉油仍在，沒有被食物索晒。燒賣並唔係粉團嗰種。墨丸…大大粒，最重要裡面真係有墨魚肉。初時冇乜期望，因為以前喺粉麵店食過有肥膏嘅，所以甚少食，見$3有2粒，咪試吓，竟然呢度唔係嗰款，喜出望外。