Fantasy Coffee

Open Now

Now Closed

利申先，經常幫襯呢間餐廳，本身無諗住寫食評，所以亦無影相。但可能餐牌改咗，今日叫嗰兩樣之前未食過，好有驚喜，所以食咗一半先記得打咭。照片有啲難睇，個意粉直頭唔敢比大家睇😅希望其他人有影到靚靚上菜相。😂呢間Cafe我經常幫襯，成日好想飲佢哋杯菠蘿梳打，有菠蘿肉，好好味！今日本身好飽，但已經掛咗杯菠蘿梳打幾日，所以諗住去食少少野，但見到餐牌又好想食唔同嘢，結果都係叫咗兩個main一個side😅帶子忌廉意粉夠creamy,味道剛剛好。鴨胸幼嫩，紅菜頭汁甜甜地，好配好味，薯蓉好軟好滑但唔油膩。仲有脆薯條，脆！菠蘿梳打之前改細杯咗，所以叫咗每人兩杯。但我以前一杯大剛剛好，衣家一杯又唔夠喉，兩杯又飲唔哂……不過佢衣家嗰杯已經比茶餐廳嗰啲大少少。唯一真係唔鐘意用QRcode落單，成個格調即刻低級咗。不過佢哋人手都多，無因為用咗自助落單就少咗人做嘢。佢哋有望海Bar 枱，下午去好chill，食完飯好飽又可以行下海邊，聽下雀仔聲浪聲，好舒服！