綠摩 (Closed)

今日去左灣仔食間專做外賣嘅pizza店, 係灣仔鬧市嘅後一條街，都算係少少隱世。一去到就見到佢地自設左個pizza爐，果然係專做pizza嘅舖頭。綠摩（9inch)：🅰️🅰️🅰️🅰️🅰️叫得同餐廳一樣嘅名，一定唔試唔得😏。薄餅通常係有外脆內軟，呢間將墨西哥脆片擺係正中間，令到應該係軟身嘅位都有脆嘅口感，加上唔止得一層脆片，有多重層次。咁嘅設計好特別，果然係招牌薄餅👍。然後上面嘅牛油果醬同忌廉，成個感覺就好rich😋五式芝士薄餅（9inch)：🅰️🅰️🅰️🅰️作為芝士控，又係必點，佢地呢隻薄餅有好濃嘅芝士味🫠，佢特別之處係加左蜜糖，甜甜地平衡返澎湃嘅芝士味⚖️，唔錯。呢兩個pizza 因為多料，2-3人都夠食，佢地嘅pizza即叫即做，仲有個師傅會不停拎個鏟係度邊焗邊轉，出返嘅效果就係受熱均衡，餅邊好脆，抵讚。推介畀食厭哂連鎖店pizza嘅大家！