Mata Japanese Cuisine

Open Now

Now Closed

以前係荔枝角返左幾年工，咁岩約左舊同事食飯，見到呢度開左間唔錯既日式餐廳，就即刻想黎試試啦！怪味枝豆-四川麻辣枝豆麻辣控表示麻辣程度適中，唔會過分辣或者麻，兩者平衡得幾好，前菜黎講幾開胃，配搭都幾特別。腐乳豬豚串呢度用左松阪豬，再加腐乳去處理，而且燒既時候再搽蜜糖，豬肉肥瘦適中，無油膩感。牛舌味噌煮原來佢地呢度既牛舌係要慢煮處理3個鐘🤤再配上味噌+葱花，牛舌入口軟滑，感覺有啲似炆得好淋既牛腩又無渣，好食。Fuji mountain打卡一流，一送到黎就見到成杯富士山咁樣既飲品，入口有少少似波子汽水+乳酸飲品既感覺。唔錯。オレンジ- orange cocktail 其實係gin、marashino、iced tea + orange juice。酒味唔會太濃，加少少酸味，配上其他野食，送酒一流。右口魚邊丼平時我地食開左口魚，今次就黎食下火炙右口魚，佢既油脂本身就比左口魚更加多，加上火炙處理，油脂感更加豐富，再加上紫菜同壽司飯，啖啖入口都好滿足。朱古力柚子慕絲用75%dark chocolate + 牛奶去製作，面頭再加上朱古力粉同柚子，中和味道，令我唔係朱古力控都覺得呢個甜品好出色。P.S