Yamm

Open Now

Now Closed

因為慶祝生日，所以去咗食lunch buffet，有信用卡優惠，所以買一送一，好抵！lunch由12點鐘開始至到兩點半。今次係BBQ食物為主題，食物種類都算多，前菜有不同的麵包、芝士、沙律菜，款式好多。另外壽司刺身以自助形式領取，我覺得都幾好幾方便，食幾多可以夾幾多，減少排隊嘅時間。熱食都算多，BBQ主題食物例如燒蠔、燒羊架等，比較推介嘅係燒羊架，肉質鮮美。其他熱食都唔錯。甜品有Haagen-Dazs雪糕，有職員幫手，仲有窩夫可以配雪糕食，又有好多唔同嘅toppings. 另外其他甜品都好多款式，好多選擇。值得一讚嘅係原來生日去，酒店會送上一個小蛋糕。但我哋嗰日book位嘅時候冇預留，但係即場同職員講，佢哋都有照俾我哋，所以好開心。蛋糕係佢哋cake Shop嘅，好好味呀！Yamm係值得推介嘅buffet選擇。