Antidote

Open Now

Now Closed

同朋友去完韓國，好掛住好食嘅醬油蟹，所以黎呢間店員都係韓國人，應該係韓國人開嘅餐廳試下啲醬油蟹。呢度嘅裝修同擺盤都好靚。（不過醬油蟹隻碟崩咗）Lunch set包咗五款前菜同兩舊飯團。前菜有泡菜、魚糕、泡菜蘿蔔、年糕、蕃薯，味道正常。飯團入面有啲醃菜，增加脆口嘅口感。不過食醬油蟹都係紫菜加白飯襯啲。🦀生醃醬油蟹 $288好咸，醃得太耐，懷疑呢道冇乜人食醬油蟹，所以隻蟹係醃缸醃咗好耐。雖然蟹無腥臭味，少少鮮甜，但太咸，食一啖要飲半杯水，所以唔好食。同埋配嘅飯團有調味，同咁咸嘅醬油蟹唔夾，balance唔到佢嘅咸味，所以真係失望嘅。🦐生醃醬油蝦 $108未醃入味嘅醬油蝦。蟹同蝦嘅味道十分極端，一款好咸，一款無味。睇隻蝦嘅外表都見到隻蝦未醃入味，仲係白雪雪咁，蝦肉少許爽彈，但無味，同埋得三隻，所以都係失望。🐟生醃醬油三文魚 $108未醃入味嘅三文魚，而且份量小只得六片。佢配咗個甜嘅沙律醬係三文魚旁邊，類似係花之戀壽司嘅甜沙律醬，所以呢個配搭係夾嘅。但食份量少又唔入味嘅三文魚，食花之戀壽司/去donki買盒三文魚刺身食會開心啲🫶