馬拉媽媽 (Closed)

今日晏晝一個人食飯，就去銅鑼灣間食。我叫一份海南雞飯($45包一杯熱飮，一碟菜同一碗湯)，我另外加$4轉杯青檸梳打，價錢唔算貴，但食物質素就…>___<海南雞-- 碟雞係幾大碟，但唔係因為份量多，只係佢切得太大件，男仔都未必可以放得哂入口咬，女仔就更加食得論盡。仲有最唔掂係唔知點解d雞可以斬到咁多碎骨，唔單止賣相唔好睇，食起上都好煩生菜–又係一大棵咁上，叫人點食呀湯–完全冇味，如果唔係見到有舊冬瓜，我會以為係水青檸梳打–又係冇味水，又唔甜又唔酸，係公司自己檸水都好飮過佢多多聲至於d店員服務態度都不過不失喇，係其中女侍應唔係咁好，因為佢好喜歡望住d客食，令我好反感，d客亦會好唔舒服。