Video
Read full review
2016-02-24
1813 views
年廿九, 因為幾餐團年飯都在年廿六/七/八食咗, 今晚反而是無安排的, 好free呀~~~! 無飯食就自己搵飯食, Let's Go, go go go~話說早前經過城南道街口見到有新店開了, 個名咁熟??? Honey 說這個店名是早年在鰂魚涌我們去撐枱腳那間砵仔蒸飯無味精那小店?!! 開了來九龍城??! 某天想中午去試, 店有開, 但原來只是在預備晚市, 午市暫時未做, 唯有等下次吧~ 一等就等到年夜飯今餐了, 因為沒有早幾星期就訂定枱所以打算訂6:30, 還以為早段可能性大些, 不過接電話的先生已說sorry全場爆滿, 但我真的想氹Honey去這一間我們其中的一個'老地方'食團年飯...於是我跟他說: 好彩...他說我們既然是街坊又咁想食, 7:15又可還枱, 一於做俾我哋, 於是就成了今餐, 多謝多謝! 店子小小, 窗明几淨, 有少許新年佈置頗有新年氣氛, 一女一男招呼我們入座, 態度良好, 感覺真不錯. 牆上黑板寫著例湯是蓮藕豬踭老火湯, $18元一客, 其實這裡'當年'最出名的是杏汁豬肺湯, 但既然今日的例湯真合心水, 所以豬肺湯留下次吧. 魚湯砵仔飯:
話說早前經過城南道街口見到有新店開了, 個名咁熟??? Honey 說這個店名是早年在鰂魚涌我們去撐枱腳那間砵仔蒸飯無味精那小店?!! 開了來九龍城??! 某天想中午去試, 店有開, 但原來只是在預備晚市, 午市暫時未做, 唯有等下次吧~ 一等就等到年夜飯今餐了, 因為沒有早幾星期就訂定枱所以打算訂6:30, 還以為早段可能性大些, 不過接電話的先生已說sorry全場爆滿, 但我真的想氹Honey去這一間我們其中的一個'老地方'食團年飯...於是我跟他說: [幫幫手吧! 我們只是街坊落街食個飯, 食完就走唔會有排傾有排坐, 不如我們6:00正來, 你早少少做俾我哋, 我可以7:15還枱, 而且我哋係你鰂魚涌年代舊客, 大廚David的手勢我哋好想在今日這個特別日子食呀!!! 嘻-嘻, 有無得諗諗佢呢?!] 好彩...他說我們既然是街坊又咁想食, 7:15又可還枱, 一於做俾我哋, 於是就成了今餐, 多謝多謝!
店子小小, 窗明几淨, 有少許新年佈置頗有新年氣氛, 一女一男招呼我們入座, 態度良好, 感覺真不錯.
牆上黑板寫著例湯是蓮藕豬踭老火湯, $18元一客, 其實這裡'當年'最出名的是杏汁豬肺湯, 但既然今日的例湯真合心水, 所以豬肺湯留下次吧.
魚湯砵仔飯: 必點! 無論有無叫粉/麵/飯都值得預少少位去食的心機之作, 飯粒蒸得剛剛好, 豉油可只落極少, 因為吸了魚湯味的飯真好吃, 轉眼就食晒! 小寶貝鍾意食"蛋蛋", 我就鍾意蠔仔, 那這客不能不點吧! 蠔仔肉碎炒蛋鬆, $68元, 炒得靚少油料多但今日這份蠔仔就略嫌少, 如果個菜名無蠔仔行頭這兩個字我會俾:非常好!
我們不約而同想食炒牛河, 因為炒牛河這看似簡單的一碟是絕對是食師傅功架, 不過今天無河粉返, 建議我們轉炒米, OK, 好提議~ 而大家都睇到, 好靚! 當然亦好味道!
同我食中菜唔駛問都知我來來去去點都想叫個生炒骨, 更何況來"大廚小館"無可能不點這個吧! 這裡的做得很好, 今時今日做小菜喎...好些地方我想食個個生炒骨就真係嘥鬼氣, 有啲鋪頭好不體貼竟然用豬扒切件當生炒骨, 你們食過未? 大佬, 咩叫骨? 有啲又試過係一大pat粉團食粉同食汁囉...喂喂~你都俾番少少誠意我得唔得? ...這兒的小排骨，外脆內鬆軟，唔會過火搞到入面乾爭爭, 得呀! 醬汁有麥芽糖及山楂, 剛剛包晒件排骨,酸甜開胃有層次，出色之作!! 好回味呀!!! 大廚: 你好嘢! [近年我食過最好的生炒骨!]
價錢方面: OK~ 明碼實價, 五十多至百多元一個菜, 沒加一, 覺得好吃的, 記得闊佬些給小賬打賞一吓...招呼方面: 好舒服! 一餐吃來的感覺就是吃得開懷, 女的一眼關七, 醒目! 樓面男就是接電話的那位, 是不是老細之一? 咁好招呼又唔會過火, 又好傾, 感覺好舒服!
總括而言: 名不虛傳, 掂! 最最最重要是之後無口渴, 而且有很多想試的餸菜今日人太少要下次試了, We'll be BACK!!!
Other Info. :
留意: 暫時只收現金
(The above review is the personal opinion of a user which does not represent OpenRice's point of view.)
Post
