大廚小館 (Closed)

這篇是紀念文, 本來已說過唔想再寫...明白的人...大家明咩事就好了~可是, 近日見到很喜歡的一間店又結業了, 所以又找個地方發洩一下, 而這裡仍是一個小眾的小平台間中就係咁用~閒話少說, 正題是:    忠告各位食家: 喜歡的店要常常去幫趁, 不要空說喜歡, 放'它'閒置'它'一輪, 它就會BYE~了~  後悔又有何用呢??!!!!我現在就是由昨晚後悔到今早所以唯有寫這篇再一次告誡自己, 新年前幾次想去食生炒骨, 懶打電話, 次次行到去見佢"爆場"就死死氣走去食其他嘢, 今日想食都無喇!!!!!  (爆場係因為其他人知到佢哋過咗年唔做所以全體Show Up, 我仲响度諗住過完年咪去食過夠皮, 食-食-食, 食風咩?  結業了!!!!!)大廚小館各位:  等你載譽重來, 就如當日在鰂魚涌暫別吧~   祝福, All the Best!

一路都知悉這間小店的存在。但號稱龍城地膽的我，竟到了今天才首次到來幫襯，實在是抵打屁股....每一次路過此店之時都正值下午時段，每次都沒能在店內找到一個食客....這所謂的"大廚小館"，究竟是否浪得虛名 ?去冒一次險獨闖龍潭，甫進去，第一個感覺是 : "為什麼店內那樣焗熱的 ?"再仔細感受一下，發覺原來是因店內一個人也沒有所以就連冷氣亦省掉不開。怪不得一進入去後便嗅到有一咲酶味了....牆上貼上無數的食客合照，看來是頗具人氣呢。跟現場冷冷清清的狀況實在不可同日而語....此時，一個身形魁悟的大男人從廚房走出來，問小弟想要吃什麼。我說吃什麼不重要，首先著他先來一枝汽水來解熱....這時他也好像覺不大好意思，馬上拿起搖控開動冷氣....我是一個不太拘小節的人，只有東西ok的話用餐環境就算是不太愜意我倒是不太介意的。如要試一下大廚的手勢的話，最正常的做法便是點她的招牌作了....這兒的午市招牌，就是一碟蔥油烤雞扒飯....這碟飯，好吃的重點不在那塊雞扒。肉本身很可惜沒有作任何調味，味是淡到極點的。肉的烤香是存在但皮卻少了一份焦脆，這便屬徒然了....那為何我仍要給這一碟飯四粒星 ? 原因乃是

九龍城中菜選擇不多，見食評幾好，以前經過好似都唔少人幫趁，就諗住試吓。睇見個名同牌面仲以為有咩神秘大廚坐鎮，點知原來都係平平無奇，同普通茶樓食晚餐差唔多，冇乜特別好食。叫左三個餸, xxxx牛仔煲:太咸，同普通餐館食d炒牛肉無異，一樣都係d軟淋淋一d牛肉味都冇嘅劣食..xxxxx炒蜆: 唔啱時候定點，d蜆冇肉，唔新鮮，汁冇咩特別鐵板野箘豆腐: 算係正常常，冇咩投訴最後，d 白飯真係好_硬，連白飯都咁難食真係好失敗。

今天正係"合該有事",  一早就出動去醫院, 回程時份已中午, 飢腸轆轆想起之前經過見到大廚小館店外貼著已開始有午餐供應, 一直間中都有幫趁這店吃晚飯, 反正要找個地方吃午餐, 當然趁機會試一試.嘩~  無敵價!!!實收$42蚊一客/免茶芥/免加一....(咁抵食??)半個鰂魚涌人的我, 見到定價少過五十蚊 --- 仲要唔駛加一有碟"有肉食"的飯真係覺得大驚小怪~ 話說有間茶記, 已經將價錢一加再加/加到貼在門口廣告位的午餐A-F要$56元一客, 今年年頭開始, 食SET包飲品的餐牌想要"有肉食"都難, 以前都有雞脾意呀/香茅豬扒飯呀/男人浪漫火腩飯呀咁...已經全部不在 Set Lunch之內, 非常齋! 要有肉呀, 散叫啦~ 咁計法飲埋嘢就起碼$70蚊落樓) 無計啦, 土起問題, 地主大晒, 香港人食地租好似係老馮咁.  招牌菜餐牌在牆上一目了然, 簡單清楚招牌葱油香烤雞扒飯, 睇見個名已經想食, 而小寶說: "要吃蛋蛋" (咁樣?  晚市至有肉鬆蛋喎...) 唯有硬著頭皮問一問師傅仔可否加錢加隻煎蛋.  師傅仔好好人, 說"係咁意加兩蚊"煎隻蛋給我們問好嗎?  (當然

今日朋友邀請, 黎到呢間九龍城餐館! 今次30人到, 中菜包場聚會 ! 地方都唔算太迫, 環境清潔都唔錯! 主人家一早已經預約大廚精心預備特式中菜, 味道真係唔錯, 好有水準! 雖然冇影菜式(實在唔好意思叫人唔好食住比我影先), 但記憶中有兩個湯一個椰子燉雞湯,另外一個 川芎白芷燉魚頭, 因為有人唔食雞所以廚師諗多一個, 兩個都有飲過, 好足料! 主菜有隻豉油雞(入味好食), 焗釀扇貝, 咸菜龍蝦米粉(好食特別), 雜菇炒牛肉(個牛肉超腍,好味), 上湯菜, 生菜豬肉包(呢個又超正), 全場都包啤酒汽水! 如果多人想包場慶祝, 確實係一個好選擇!

一行6人昨晚去左食晚飯。訂左杏汁豬肺湯及風沙雞，個湯6位用 $288 ，湯嘅濃度適中，豬肺略為細件及吾太多，幾好味，但又不至於驚為天人。風沙雞1隻 $248，隻雞好乾好乾好乾，好似食緊柴皮咁，放在雞上面嘅炸蒜蓉又完全冇味，食完個口腔仲有d位損左，這個好吾得，可以不試。生炒骨 $108，個骨炸到 over 左好乾同有點黑，肉也有點奀，咬也咬不開，唯一好食嘅系用新鮮菠蘿。金沙蝦球 $168，份量大，個蝦size 不細也彈牙，旦皇蓉包著蝦球，好邪惡，可能旦皇蓉做得不夠細膩，在碟邊仍有很多旦皇一舊舊的躺著。四拼小食 $128 ，芥末云耳，夠凍爽口芥末味不太重，好醒胃，沙薑豬手，皮脆肉滑，沙薑汁不太鹹，蒜泥牛展，又系好乾好乾，好似食緊一張紙皮咁，鮑汁雞腳，冇試。豆豉鯪魚炒油墨菜 $68，個菜炒到仲有d爽口，好食。金銀旦莧菜 $68（碗上），湯入邊有d肉碎，個菜煮得比較淡口，適合夏天及有老人家食，但都吾錯。魚湯砵仔飯 $16，冇試，家人話系用d漁湯淋在一砵白飯上，但好腥。綜合來說，有幾款做得比乾，食完都比較囗渴。埋單 $1092，相信咁嘅價錢應該有好多其他選擇。

在不起眼的轉角位，在泰菜館云集的九龍城，「大廚」的確，而「小館」倒不小，坐得舒服，吃也開心。豬肺湯看！濃濃奶白色的豬肺湯，除了豬肺，還加入雞腳、瘦肉...等材料煲製，相信不下4、5、6小時火力才有這樣子。呷一口，不得了，豬肺潤潤的感覺外，還有香濃的杏仁味，整個湯甜甜的，是很足料的老火靚湯。喜愛湯渣的朋友，千萬別走寶，我一人吃了很多豬肺，很淋、沒腥味，好吃！椒絲蒜蓉皮蛋皮蛋一向是我的至愛，這道皮蛋冷盤用上特製醬汁，甜甜濃濃的，加上椒絲的微辣、蒜蓉的香氣，令皮蛋頓時昇華了，很美味！每片皮蛋我都點上大量秘製醬汁，夾著椒絲蒜蓉一塊吃，豐富！牛坑腩上枱一碟黑黑的家伙，原來是牛坑腩，柱候牛坑腩。老實說，我喜歡那醬汁多於牛坑腩，可能牛坑腩有點炸過，食上去有點乾；而且全是瘦瘦的，咬得有點吃力，但確實有牛味，用料是優的，只是個人口味問題，朋友就說愈咬愈香口。咖哩蟹炒飯只看咖哩便知它好味，皆因香氣撲鼻，陣陣咖哩飄香，食少少咖哩汁，很喜歡！少少辣、偏向印式咖哩，有香濃味。肉膏蟹無得頂，小小的兩隻肉蟹，很多肉、很多膏，只是蟹蓋已經爆膏，加入咖哩汁的蟹膏，正，一試難忘。炒飯不錯，有加蛋炒，咖哩汁包著蛋和飯，好味

黎九龍城，10居其9都係揀泰國菜，我都係，但今次係一反常態，朋友介紹，於是為咗呢間私房菜走過嚟，試一試食過都讚好既大廚小館😁😁。嚟到小館，由於已訂枱，唔使等，大家知近幾日都30幾度，係九龍城街頭等食都真係唔野少。莆入坐，見隔離枱食既餸好吸引，我又鬼咁肚餓，好想一對筷子夾過去😂😂 食到污糟先影底，勿介意😅😅 餐牌就係度，一目了然，價錢都幾大眾化，炒個菜比酒樓還平 1. 梅酒凍苦瓜 苦瓜係我至愛，不論有幾苦，都覺得好味！梅酒、苦瓜，完全無想過將它地擺埋一齊！大廚好有計👍🏻好夾、好得！梅酒其實已經唔重酒味，苦瓜都無苦味，成個餸凍凍地，好啱夏天食，而且食落好爽，帶少少甜甜既話梅味，好難停口😋😋😋。其實它真係有兩粒話梅係個餸入面，個汁好似飲黃酒加話梅咁，差DD想連個梅酒汁都飲埋 。2. 蒜泥椒絲皮旦呢個凍盤又係好出色，皮旦凍食個種質地同煲皮旦瘦肉粥係好唔同，大廚整到個皮旦好入味，無咗皮旦果陣獨特既怪味；而且皮旦心有少少溶溶地，食落好棉滑。我一食成口都充滿蒜泥味，加上有D椒絲係度，添加咗小小辣味，好味道! 3. 杏汁豬肺湯呢個湯簡直係阿媽既味道，但阿媽唔鍾意杏仁味，從無加過杏汁煲；而大廚加上

第一次學人寫食評，店子雖然不大，但唔會覺得好迫，位置亦方便易搵。䉾式特別，由小食開始，首先點咗-冰鎮涼瓜、芥末雲耳同椒鹽靈芝菇，味道特別！有酸有棘有香口！跟著嚟個杏汁燉豬肺湯！材料十足！小菜亦不俗,點咗生炒骨、豆豉鯪魚油麥菜、芥末蝦球....碟碟份量十足還有預訂了兩款懷舊菜-紅燒大元蹄,八寶鴨，我們十二人食綽綽有餘。各款各樣都不俗。價錢合理，好適合一家老小晚飯，其實仲有好多小菜想試，所以一定會再嚟！

年初三, 眾人稱為'赤口'例不拜年, 但我家無所謂, 見完面食埋晚飯又如何?  最緊要皆大歡喜人人Happy~  '新正頭'好多食店都休業, 大家找地方吃飯去哪兒呢?  我們就沒此煩惱, 我們喜歡的又一城翰騰閣全年無休, 但既然人在九龍城, 城中有什麼店方便大家不用出城呢?  年廿九時已留意到大城小廚初一至初七都開, 初八起休三天, 十一再開市!  哈哈~ 太好了, 上次很多款菜式都未試, 一於訂定年初三, 六時半, Let's Go, go go go~人多好辦事, 恭喜發財派了利是, 很快已想到吃什麼, 上次喝不到的招牌靚湯, 今日來一盎吧!    多年前鰂魚涌的好味道~不枉我們找回來了!    杏香/湯濃/料足...上次我寫這店的懷舊生炒骨是近年吃過最好的生炒骨...今個杏汁豬肺湯亦是近年喝過的杏汁湯中最好的一個, 兩個'最好'~   這間'大城小廚'真值得我們encore!   有好些地方都做這款湯, 但可能杏汁落的不啱時間?? 杏味始終不及這一客, 所以廚師的功架高下立見!   我推介$268一客必點!  分足十碗湯, 真係無胃口唔想食飯的晚上, 各位食家來飲個湯

年廿九, 因為幾餐團年飯都在年廿六/七/八食咗, 今晚反而是無安排的, 好free呀~~~!  無飯食就自己搵飯食, Let's Go, go go go~話說早前經過城南道街口見到有新店開了, 個名咁熟???  Honey 說這個店名是早年在鰂魚涌我們去撐枱腳那間砵仔蒸飯無味精那小店?!!  開了來九龍城??!  某天想中午去試, 店有開, 但原來只是在預備晚市, 午市暫時未做, 唯有等下次吧~  一等就等到年夜飯今餐了, 因為沒有早幾星期就訂定枱所以打算訂6:30, 還以為早段可能性大些, 不過接電話的先生已說sorry全場爆滿, 但我真的想氹Honey去這一間我們其中的一個'老地方'食團年飯...於是我跟他說:   好彩...他說我們既然是街坊又咁想食, 7:15又可還枱, 一於做俾我哋, 於是就成了今餐, 多謝多謝! 店子小小, 窗明几淨, 有少許新年佈置頗有新年氣氛, 一女一男招呼我們入座, 態度良好, 感覺真不錯.  牆上黑板寫著例湯是蓮藕豬踭老火湯, $18元一客, 其實這裡'當年'最出名的是杏汁豬肺湯, 但既然今日的例湯真合心水, 所以豬肺湯留下次吧.  魚湯砵仔飯: 

22號冬至諗去邊度食已經頭爆😓，問題係又多人，食中菜度度都要食套餐，又唔好食又趕時間！所以試下係屋企附近呢間新開。。其實以前係香港區做野時，好似試過呢間。。同一個名應該係掛🤔節日前緊係打去book咗位先，9位連大小！佢哋係電話已經推介我必試杏汁豬肺、咸菜炒龍蝦，可能要先留！咁我留咗呢兩樣，其餘去到叫！果日book 咗6:00pm, 可能早唔太多人，睇餐牌叫咗：前菜三樣「蒜泥牛展」- 味道較得唔錯，好食 「冰鎮涼瓜」- 幾特別 「沙薑豬手」- 豬手我至愛，我覺得味道剛好！正😋 主菜「杏汁豬肺湯」- 好多料湯又濃！超正👍🏻！果然冇推介錯😋 「咸菜炒龍蝦」- 呢個煮法都第一次試，又唔錯😋好過成日上湯或芝士！重有米粉底！特別！👍🏻 「生炒骨」- 呢個真真好食😋，雖然呢個餸又細食到大，但係唔係間間整得好！唔太酸肉唔太肥，剛好！ 「粟米海斑塊」- 最主要比小朋友食，唔多炸粉，魚塊好味！👍🏻 「石窩燒魚頭」- 味唔錯👍🏻 「生炒糯米飯」- 店推介，又幾好食👍🏻😋 「蒜炒菜心」- 菜心嫩、味唔錯 雖然之後都滿晒坐，但食品水準都滿意！服務都好好

之前同同事一齊食過呢間開張不久嘅新派中菜餐廳，食嘅只係餐牌上嘅大路菜色但已食得出大廚好有Heart。之後更知道原來可以預訂餐牌以外嘅菜色。所以今次聖誕節約埋一班朋友去再試。杏汁豬肺湯 - 好味，連平時唔like杏仁味嘅老婆大人都成碗隊哂仲咀淋淋。 預訂嘅乞衣鷄 - 賣相吸引外，味道仲有驚喜！鷄肉嫩滑外，仲有陣陣荷葉香味。再加上其他配料例如雲耳紅棗，又香又有口感！天王醬炒菜心 - 唔錯，自家製嘅天王醬比一般XO醬辣小小但較野味。當日廚師推介炆龍躉腩 - 啖啖彈牙魚肉好鮮味外，我反而覺得腐竹吸哂啲汁又滑又濃味，正！ 花雕蛋白蒸奄仔蟹（預訂）- 呢個係我指定要翻食嘅菜色。啲蛋白好滑加上蟹味，送飯一流。如果揀隻結實肉蟹應該更加Pefect!生炒骨 - 又係食出大廚功架嘅菜色，正！生炒糯米飯 - 雖然餐牌上有，但係每日限量的。好彩訂枱時指明要預留，如果唔係就失色不小！朋友都讚糯米飯係全晚最最最好味！唔油之外仲好足料，好香臘味嘅味道！其待下次再試其他餸菜！

好耐好耐都冇寫食評啦！lee間大厨小館真正名副其實小館裏面有個大廚，需然店面小，但不會坐得好迫，每碟餸都係用心制造，由其係嗰個生炒糯米飯＆乞兒雞，味道超正，推介！侍應們都很親切有禮，會再去！

朋友告知前xx飯店總廚 在九龍城自己開鋪（好掛住佢嘅 杏汁燉豬肺，生炒骨，生炒糯米飯）襯今日有家人生日 借啲意去回味吓先！是日星期六 怕人多幫襯要等位等得耐 所以即上open rice 搜尋店鋪地址同電話，打去問吓可否預早訂枱！係可以嘅呢^^我哋準時7點半到達（果然爆場，好彩預早訂咗枱先啫） 老板已經預備好一張大圓枱過我哋了。此店將墊枱嘅餐紙印成菜單方便食客睇菜（好過用菜牌， 要傳嚟傳去續個睇咁麻煩）！睇睇菜單紙 有好多特式小菜（吸引）價錢由$4x - 23x , 好經濟啊！由於有家人對海鮮過敏 & 唔食牛肉，所以呢餐只係點咗幾個簡單小菜（下次要同朋友再嚟試埋其他菜式先）