Video
Read full review
2020-10-30
189 views
放工行過見到一間裝修幾靚嘅上海食店，同同事講，橫掂咁耐無食過上海嘢，就約埋一齊去！川麻口水雞 $68 出去食口水雞通常都係細細份，為求食個味道，呢間竟然有成近半隻，仲要係嫩雞，肉質非常嫩滑，雞面鋪滿香溢嘅辣椒油、花生碎同芝麻 但唔會太辣，唔食辣嘅朋友都食到一兩件。松子魚 $168 最期待嘅一個菜式，因為好耐無食過了，呢度幾抵食，都係$168，都有7至8件肉，起曬骨，外面十分鬆化，好香口，而且脆卜卜，魚肉厚身，完全無'星'味，個醬甜甜酸適中，十分醒胃，魚面仲有不少增添口感的松子仁，很受大家歡迎，係最快食完嘅一味餸。紅燒獅子頭 $88 佢外表都係平平無奇的一團豬肉丸加上啡色的汁，但切開，原來內有乾坤，係一個完整的鹹蛋黃，外面嘅豬肉較鬆軟，而且肉汁亦流出，唔會死實實一舊“掟死狗”，加上外面嘅精心炮製嘅肉汁，實是好味之極。 金牌香菜飯 $48 平時響廣東菜當然配白飯，食上海嘢當然點菜飯啦！仲要呢度嘅菜飯唔會太油，但都有一股甘香嘅味道，3個人分一碟，份量剛剛好。杏汁高力 $52 平時食高力豆沙就食得多，杏汁饀就第一次，外面是金黃色，食落更加香，而咬落十分鬆軟，饀料不算多，飯後甜品，
川麻口水雞 $68
出去食口水雞通常都係細細份，為求食個味道，呢間竟然有成近半隻，仲要係嫩雞，肉質非常嫩滑，雞面鋪滿香溢嘅辣椒油、花生碎同芝麻 但唔會太辣，唔食辣嘅朋友都食到一兩件。
松子魚 $168
最期待嘅一個菜式，因為好耐無食過了，呢度幾抵食，都係$168，都有7至8件肉，起曬骨，外面十分鬆化，好香口，而且脆卜卜，魚肉厚身，完全無'星'味，個醬甜甜酸適中，十分醒胃，魚面仲有不少增添口感的松子仁，很受大家歡迎，係最快食完嘅一味餸。
紅燒獅子頭 $88
佢外表都係平平無奇的一團豬肉丸加上啡色的汁，但切開，原來內有乾坤，係一個完整的鹹蛋黃，外面嘅豬肉較鬆軟，而且肉汁亦流出，唔會死實實一舊“掟死狗”，加上外面嘅精心炮製嘅肉汁，實是好味之極。
金牌香菜飯 $48
平時響廣東菜當然配白飯，食上海嘢當然點菜飯啦！仲要呢度嘅菜飯唔會太油，但都有一股甘香嘅味道，3個人分一碟，份量剛剛好。
杏汁高力 $52
平時食高力豆沙就食得多，杏汁饀就第一次，外面是金黃色，食落更加香，而咬落十分鬆軟，饀料不算多，飯後甜品，唔會太膩，相當適中呢！
Post
