五斗米 (厚和街)

Open Now

Now Closed

朋友喺台灣人，話之前喺堅尼地城有間叫五斗米嘅小店，D嘢食好有 「家的味道」，今日佢思鄉病發作，約我去食，一解思鄉之苦，雖然我覺得好遠，不過陪吓朋友都無所謂啦。叫咗原汁牛肉麵，湯底好濃，好香，麵條好彈口，牛肉都好多，唔會太淋，有少少嚼口，又入味，最緊要成碗麵唔會好油，好食。滷雞腿肉燥飯，肉燥比較乾身，唔會入口只係肥肉，仲有櫻花蝦同冬菇粒喺裡面，又唔會好鹹，啱晒送飯。滷雞腿喺分開上，好淋，好入味，肉質都好多汁，加埋D醬油，肉燥喺面頭，未食都覺得會好好食。百頁豆腐，口感好彈，一D都唔似豆腐，唔算好濃味，但喺幾得意。台式花枝丸，炸嘅花枝丸成日食，但係滷就好少食，花枝丸口感唔錯，但就無炸嘅禁香口。白菜滷，娃娃菜煮到好淋，加埋D醬油同櫻花蝦，好夠味。水煎香腸，煎到好乾身，外皮少少脆，一D都唔油，點埋個蒜泥，好惹味。飲品叫咗烏梅汁，好濃唔太甜，不過就唔夠凍，再凍D更加好，不過喺禁熱嘅天氣下飲番杯，真喺消暑又解渴。五斗米嘢食又真喺幾好食，好地道，不過唯一我覺得唔好，就喺佢地張枱比較矮，如果可以高番少少會好D。