Video
Read full review
2009-09-13
55 views
庄友生日初頭以為有10個人所以就決定去酒樓食諗住咁多人坐圓台會易傾計d開心d 點知結果最後都係得6個人, 不過唔緊要都好開心, 6個人5個男1個女所以叫左6 樣野 半隻燒鵝果然係燒鵝酒家我覺得成晚最好食就係個燒鵝. 燒鵝好夠肥美好厚肉, 不過我地都覺得個皮可以再脆dd! 不過我d朋友話連d 鵝汁都好正可以用黎撈飯, 哈哈. 如果閒日黎食其實仲抵因為閒日半價, $110已經有成隻但今日因為係星期6所以$110 只食到半隻。 肥牛炒瓜好入味既一個菜, 個味係唔錯既好濃但係個牛好un. 好多都咬唔開-__-好在佢都唔算大舊可能成舊就咁吞 南乳齋煲好食 好味而且都算多料. 有粉絲 豆卜 菌類 菜 矮瓜因為好入味所以好簡單既野都好食 芋頭南瓜煲朋友食過話呢個煲好食但今次真係整得好難食南瓜芋頭又大舊又唔林, 好似生咁唔再講, 煮埋好似一pet 野咁一pet 粉連汁都唔多滴想用下南瓜汁撈飯都撈唔到! 我地幾乎成個煲都無食過 椒鹽軟殼蟹都ok 既幾好食辣辣地幾開胃而且唔厚粉都算幾多蟹肉, 雖然d肉都唔係好有蟹味 椰皇水呢樣真係各花入各眼我地6個人3個覺得好難飲3個覺得好好飲我覺得難飲個味好似唔甜唔
庄友生日初頭以為有10個人所以就決定去酒樓食諗住咁多人坐圓台會易傾計d開心d 點知結果最後都係得6個人, 不過唔緊要都好開心, 6個人5個男1個女所以叫左6 樣野
半隻燒鵝
果然係燒鵝酒家我覺得成晚最好食就係個燒鵝. 燒鵝好夠肥美好厚肉, 不過我地都覺得個皮可以再脆dd! 不過我d朋友話連d 鵝汁都好正可以用黎撈飯, 哈哈. 如果閒日黎食其實仲抵因為閒日半價, $110已經有成隻但今日因為係星期6所以$110 只食到半隻。
肥牛炒瓜
好入味既一個菜, 個味係唔錯既好濃但係個牛好un. 好多都咬唔開-__-好在佢都唔算大舊可能成舊就咁吞
南乳齋煲
好食 好味而且都算多料. 有粉絲 豆卜 菌類 菜 矮瓜
因為好入味所以好簡單既野都好食
芋頭南瓜煲
朋友食過話呢個煲好食但今次真係整得好難食
南瓜芋頭又大舊又唔林, 好似生咁唔再講, 煮埋好似一pet 野咁一pet 粉連汁都唔多滴想用下南瓜汁撈飯都撈唔到! 我地幾乎成個煲都無食過
椒鹽軟殼蟹
都ok 既幾好食辣辣地幾開胃而且唔厚粉都算幾多蟹肉, 雖然d肉都唔係好有蟹味
椰皇水
呢樣真係各花入各眼
我地6個人3個覺得好難飲3個覺得好好飲
我覺得難飲個味好似唔甜唔淡咁
糖水
$ 4.5 一個見佢咁抵就叫左3個熱紫米露
係就係唔係好夠味喇不過都多紫米, $4.5都唔會要求咁多
壽包
因為有朋友生日所以打電話book 位個陣特登訂左8個壽包
個阿組明明話好細個點知上個陣我地6個人都呆左因為好大個
大個個拳頭有佢成個碗咁大食完真係好飽
有蓮蓉同奶黃料但係麻麻地好食
間酒樓雖然大不過我地由9點食到12點都依然坐無虛席因為好似9 點半之後打邊爐有平.
不過因為我地打電話book 左位所以去到一陣已經有位喇. 佢地好好呀雖然我book左8點但9 點先去到但佢咁多客都仲留比我地 本來無壽包但係下午打電話book位個陣佢話可以叫點心師博幫我地整定, 真係好好! 我地食完佢好多人等位都好都係趕我地走. 唯一可以挑剔既係個到有d 焗同埋d射燈射到我地好熱.
不過叫左咁多野食埋單先600蚊好抵!
Post
