南亞1964 (Closed)

南亞開咗咁耐，其實我都係第一次嚟呢度食。地方夠大，客人偏少，最啱同朋友食飯傾偈既聚腳點。好想試吓呢度既招牌菜海南雞飯$65，我哋要脾加$5，湯係普通既菜乾湯，雞油飯亦一般，沒有香濃既雞油味，雞脾骨多肉少，雞骨還滲著血紅色，幸好雞皮算薄，最怕勁多脂肪既雞皮，見到就怕怕囉。一路食一路係度諗，真係好懷念去新加坡時食過既海南雞飯，真係無得比。另外最想試hotcake，製作需時二十分鐘，hotcake成吋厚，似蛋糕多過pancake，切開時已發覺蛋糕異常鬆軟，cake邊微脆，入口富蛋香，雖然賣成五十五蚊頗貴，但其實可供三至四人食，計落都物有所值既。仲有一杯凍檸檬柑桔，大大杯賣二十四蚊，埋單一百六十四蚊。