Read full review
2024-01-17
412 views
之前天后誕回來幫手,夜晚又來過呢度食飯。覺得食物係唔錯,所以得意帶內地同事今日快閃一日長洲順便嚟呢度食個午飯。基本上都係公道嘅,雖然我哋叫自選套餐食。都有講解自選套餐嘅份量會少啲,尤其是海鮮嗰度。咁所以海鮮嗰度瀨尿蝦就另外叫$298斤。中型size呢個價錢有少少貴,不過炸得幾脆,速殼都食埋。炒青菜同埋乾炒牛河都係另外叫嘅,個牛河幾有鑊氣,但係佢比太多牛肉太少粉,啲同事覺得唔夠飽😂。教返其他食物先,個椒鹽人魚都幾彈牙,將瞓唔算厚個南瓜骨都好香口又夠熱辣辣,可惜南角落得唔夠多,如果再落多少少就正啦。豉椒蟶子同埋辣酒煮花螺佢話同正價小菜份量一樣,咁我就覺得個花螺就偏少咗啲啦,好彩喺自選套餐裏邊嗌同埋啲花螺好似溝咗唔同種類同埋啲肉有少少唔新鮮,如果下次食嘅話可以skip。個蟶子雖然係細隻嗰款,但係都幾好肉,可惜個醬太杰身,有少少似漿糊咁。咁扇貝嗰度跟餐係有五隻,咁加多一隻都係$25都係叫正常價錢,粒元貝都幾鮮甜撈埋啲粉絲蒜蓉一齊食真係一流。食飽飽再望掛喺上面㗎橫額,先醒起有個芝心丸冇叫,我記得嗰個真係好好食,下次一定要再食。
Post