榮光手工創意曲奇

Open Now

Now Closed

放假喺花園街一帶亂行，行行下見到有間好似幾骨子嘅鋪頭，本人就中咗入去睇。唔知係咪有旅遊書介紹過，客人好似都係黎自日韓同大陸，好似好受歡迎咁，我就試下啦。我就對包裝冇興趣，唔會買有盒有罐裝果啲，見到有袋裝，$58兩包，就打算買兩包試下。一包都有十定十二塊，本人唔好意思逐包睇下係咩味，就叫店員介紹。佢本身推介阿華田杏仁粒，我覺得有點獵奇，最後買了伯爵茶同埋朱古力杏仁片。伯爵茶：茶味好濃，適合鍾意茶味的朋友！朱古力杏仁：本人喜歡這個多一點，因為中間有啲野可以咬下！兩包都算有驚喜，本人分了一半給老友記，佢都話正，所以下次行開花園街會再試其他味。好似聽到店員話，要過100蚊先可以比信用卡。