榮光手工創意曲奇

Open Now

Now Closed

放假喺花園街一帶亂行，行行下見到有間好似幾骨子嘅鋪頭，本人就中咗入去睇。唔知係咪有旅遊書介紹過，客人好似都係黎自日韓同大陸，好似好受歡迎咁，我就試下啦。我就對包裝冇興趣，唔會買有盒有罐裝果啲，見到有袋裝，$58兩包，就打算買兩包試下。一包都有十定十二塊，本人唔好意思逐包睇下係咩味，就叫店員介紹。佢本身推介阿華田杏仁粒，我覺得有點獵奇，最後買了伯爵茶同埋朱古力杏仁片。伯爵茶：茶味好濃，適合鍾意茶味的朋友！朱古力杏仁：本人喜歡這個多一點，因為中間有啲野可以咬下！兩包都算有驚喜，本人分了一半給老友記，佢都話正，所以下次行開花園街會再試其他味。好似聽到店員話，要過100蚊先可以比信用卡。

30-11-2023 (Thur)晚，同老公老公同事們喺鴻星食晚飯(食評係2023年12月3日刊登嘅呢篇:https://www.openrice.com/zh/hongkong/review/4-1%E5%A5%97%E9%A4%90-e5159693)，而榮光就正正喺下面，於是又嚟買曲奇餅食。我去到睇有咩味，最重要想搵燕麥提子曲奇，但冇，而佢哋賣$30.00一包，$58.00兩包。咁我買咗鹹蛋黃芝士芝士，檸檬茶，蔓越莓各兩包同一包咖啡朱古力，共七包，$203.00。我多口問老闆，袋庄嘅冇燕麥提子乾，佢答因為客人拎起又擺低，令曲奇散晒，提子乾甩出嚟，所以只入罐裝。噢！其中一包檸檬茶我當晚食完飯，即刻俾我老公同事。講返味道，我拎啲返公司請同事食，同事打開檸檬茶味，我即刻嗅到佢嘅香味，食落，正正係唔太甜嘅檸檬茶味，個個都讚。5分鹹蛋黃芝士芝士味重，要細味至食到鹹蛋黃味，呢個都ok嘅。4.5分蔓越莓味同咖啡朱古力呢，都屬於正常。4分上次食評係2023年9月15日刊登嘅呢篇:https://www.openrice.com/zh/hongkong/review/encore-e5008306

24-8-2023 (Thur)晚,老公妁咗男友人喺旺角食飯,我就因為計劃嗰個禮拜六同佢去北角探姑媽,於是托佢喺呢喥買三隻味共六包嘅包裝曲奇俾姑媽同我哋自己,經過上次食咗後(食評係2023年7月6日刊登嘅呢篇: https://www.openrice.com/zh/hongkong/review/%E8%80%83%E9%A9%97%E5%91%B3%E8%95%BE%E5%98%85%E6%9B%B2%E5%A5%87-e4882375),我叫佢買檸檬茶,鹹蛋黃芝士同燕麥提子核桃,嗰晚佢買到返嚟,話我想要嘅味道只有檸檬茶同鹹蛋黃芝士,其他四包佢自己揀,揀咗原粒杏仁,伯爵茶,蜂蜜抹茶同蔓越莓.每包曲奇盛惠$29.00同有12件,咁我留檸檬茶,鹹蛋黃芝士同蔓越莓俾姑媽,自己先試蜂蜜抹茶味,呢個有脆嘅口感,係杏仁片,蜂蜜味就食到少少,唔太甜,呢個普通.味道:3分翌日就試伯爵茶味,佢味道算濃,口感正常,亦有一粒粒嘅脆,但我鍾意食杏仁片嘅脆.味道:3分之後嘅禮拜六約咗姑媽,但嗰朝佢打俾我話唔記得咗唔得閒,叫我哋唔好搵佢,臨急臨忙一時情急,只拎咗大歡喜鴨膶月餅放低俾佢.之後我就食蔓越莓味,蔓越

3-6-2023 (Sat)同老公帶亞姨行完中電博物館後,就再嚟呢喥買曲奇,但因為之前兩個星期嚟都因人手問題而冇開門,今次我就打個電話嚟問先,有人聽有開喇,咁我哋行嚟買啦.睇完一輪,由於選擇太多而我又未知邊隻最好味,於是買一盒$148.00, 500G有12種口味嘅甜蜜時光試吓先,而老公竟然一口氣買$75.00嘅咸蛋芝士味杯裝曲奇,同樣$148.00, 500G有12種口味嘅甜蜜時光,同$148.00, 500G有6種口味嘅開心派對各一.返到屋企,我哋即刻試咸蛋芝士味曲奇,呢隻係一粒粒細粒嘅,立方體,咸蛋芝士味都食到,唔太鹹,口感鬆化,就算唔肚餓食都覺得好味,重連食幾粒.味道:5分而盒裝嗰啲呢?打開盒睇,包裝都好嚴謹吓,亦有張食用指示俾客人.我哋先食開心派對嗰6種口味曲奇.2. 竹炭葵花籽核桃竹炭杏仁唔太濃味.味道:3分3. 咖啡/朱古力?都係唔太濃味,而原來係阿華田杏仁粒味道:3分4. 咖啡杏仁甘苦啲,原來係朱古力杏仁片味道:3分5. 黑白芝麻味道正常,不過可能係太多粒粒,烘焗完後,就散咗 ,所以拎起時好容易爛.味道:3分6. 咖啡朱古力好濃味.味道:4分 7.  濃香牛油味道唔濃.

幾年前同事送咗呢間嘅檸檬茶味粒粒俾我但嗰陣仲未咁為食所以冇記低咩名/特登搵返直至舊年朋友話有好味曲奇餅介紹帶咗我去旺角分店買至今已經第五次自己貢過去幫襯次次都係買最多味嗰盒一開就旋風式食哂 飽到滯但又好香好好味停唔到😝唔太甜好鬆化又好香牛油味隻隻味都好鍾意不過最鍾意應該都係檸茶味係其他大牌子唔會有嘅口味好多貴過佢哋嘅曲奇一係太甜一係冇層次 得砂糖嘅甜個盒都好靚 不過好難開😂😂😂剪咗指甲會開到手指好痛入面個膠袋未開封都有啲難撬出嚟可能因為個size預得太啱啱好可唔可以改良吓？（附上已經完食俾我用嚟擺其他嘢嘅盒）

行過見佢MADE IN HONG KONG.就想支持一下!旺角店唔算好多人~~好快就可以買到!!佢有好多SET.我呢盒係港式茶餐廳.有4隻味!!幾有香港特色!💛💥檸檬茶💥好立克夏威夷果仁💥阿華田杏仁💥咖啡朱古力個人最中意檸檬茶味👍🏻第一次食果陣好隨心.之後發現有D味好濃食完之後會食唔出另一隻既味都要留意一下先後次序🤪🤪不過口感好鬆脆.而且佢標榜冇加添加劑好似會健康D🤣但就放唔到好耐 要好快食哂佢🙈

好耐冇寫食評了，最近試左呢個曲奇店，覺得好啱口味，所以想為佢寫番下。什麼好立克，阿華田，檸檬茶，芝士鹹蛋，朱古力粒，朱古力杏仁……未能盡錄。比起其他曲奇店，佢哋價錢尚算合理。$27一包，$52兩包，每包大約12塊。最後我揀左一鹹一甜，芝士鹹蛋曲奇&朱古力杏仁曲奇。一返到屋企就剪開曲奇，聞到一陣鹹香芝士味，好吸引。放入口，好鬆脆，唔會死實，芝士同鹹蛋味道好夾，味道好平衡。得！再試埋朱古力杏仁曲奇，外貌平平無奇，估唔到甜度啱啱好，又食到杏仁香，好味！心裏面已經決定要去試哂佢其他味道😆佢有正常size曲奇，又有玻璃樽細細粒曲奇，仲有禮盒裝曲奇，任君選擇，真係頗多選擇。

聽講香港有間曲奇餅店既手工曲奇好多人讚趁放假帶埋閨密一齊出去潮聖下間舖位於Moko商場天橋下面舖面唔算大 但曲奇味道包羅萬有入到去 見到有細袋裝同盒裝 盒裝又有分什錦味臨近新年 最好買盒裝送禮大方得體又好味小妹今次第一次幫襯買左袋裝咸蛋黃芝士味+好立克夏果味.番到屋企急不及待試食果然⋯咸蛋黃芝士味不負我所望有咸蛋香又有芝士粒 脆脆地而且曲奇口感鬆化另外，好立克夏果味略帶甜唔知我口味係咪唔同左 對我黎講甜左少少🤏🏻但鍾意佢有夏果 加埋入曲奇口感唔錯下次會再幫襯

上網見到有手工曲奇賣即刻call老公去買，之前打電話詢問產品時店員很有禮貌，老公去買時也覺得服務很好，環境清潔，算是愉快的經驗。回家立刻試食綠茶味、黑白芝麻和檸檬茶味覺得勁正，欣賞它的鬆脆和甜度恰到好處，不會太過油膩太多牛油也不會太甜。老公勁讚朱固力味夠濃甜度又適中。我個人喜歡它有多種口味，肯定要光顧支持本地小店。

有個舊同事佢搬咗去新居，我就去呢間好多人都推薦話好好食嘅 glory Bakery 去買盒曲奇餅去探訪佢地屋企。去到舊同事屋企，原來佢哋都仲真係裝緊修，四處都風塵撲撲，難得佢哋仲招呼我真係覺得開心。我遞盒餅畀嘅時候，我一下唔覺意冼左手，合餅就跌落地，搞到有啲曲奇散咗。呢盒曲奇餅話係 100 % 香港手工製作，不含泡打粉，不含梳打粉，不含起酥油，雖然我唔知道呢啲嘢乜嘢，不過我估係夠純正掛。我揀選嘅味道係 (港式茶餐廳曲奇) 味道 有咖啡朱古力、阿華田杏仁、好立克果仁、檸檬茶。 可以咁講，雖然話係呢啲比較特別嘅味道，但食落去味道又唔係咁突出，真係食落去味道其實就同一般曲奇冇乜分別，我就認為唔係好夠牛油香，同埋比較硬身。唔係話唔好食，但係冇傳聞中咁樣嘅味道

朋友推介這家本地手工餅店, 經常出旺角的我並沒有刻意去找尋 Glory Bakery 的蹤跡。這天家人買了兩樽回來, 比上網 Ztore 訂的平大約 1/5 價錢。而我就當然要第一時間打開試一試啦。之前試過檸檬茶味, 略嫌太甜。又試過咸蛋黄味, 又嫌食多幾粒會太滯。今次呢兩樽係咖啡杏仁味, 仍然是細細粒的, 心想著如果可以大塊 D 就好了。曲奇香脆, 咖啡香醇可口, 又咬到一粒粒的杏仁片, 正喎。其中一個喜歡 Glory Bakery 這款樽装餅的原因: 就是它的可重用玻璃樽, 既環保又漂亮實用, 又有密封金屬蓋, 我會洗乾淨沖茶或咖啡都可以。

朋友推介呢間曲奇餅真係想試下，見到都唔算幾貴，一盒仲有好多個款式、啱曬一家人分享，尤其 個包裝都幾大方得體，所以就試下啦。 而我就選擇 買咗既款係“甜蜜時光”有12款口既手工曲奇。牛油味好出曲奇又鬆脆， 我最鍾意食抹茶杏仁片口味，好香清新既綠茶味而且又有脆身杏仁片襯托，口感脆身唔會太硬，最特別嘅係好立克果仁同阿華田杏仁，味道唔會太甜。包裝寫明500克12隻味總共有四層咁多即是48塊最重要係無添加值得推介“健康之選”！

去香港的四天三夜遊，一開始也不太清楚要買甚麼當紀念品，只是有朋友提過曲奇餅的事。剛好在旺角花園街逛著逛著就找到一家香港製造的手工曲奇，之前也有聽說過。店員說曲奇餅是沒有加防腐劑的，並且少油少糖。所以也就進去看看了。試吃過好幾種，口感很不錯，滿鬆化的。感覺家里的長輩朋友也會喜歡。說實在的，這家店裝潢很不錯，而且重點是店員很友善，也不會強烈推銷，因為本來試吃過後也想再三考慮才買，因為是第二天到香港玩，感覺可以多看看，店員們也沒有不爽。(因為有遇到不太客氣的店員) 但後來還是買了6盒，還有別的商品。爽~~~ 雖然這家店的位置不太好找，但真的是CP值很不錯呢！推~~

今日有個客人黎公司搵我，送左2包曲奇餅俾我食真係有我心！啱晒我呢個甜品怪！Glory Bakery, 講真我之前未聽過，個客話好好味，等我試下先！有朱古力杏仁 & 阿華田杏仁曲奇入口口感好鬆化！估唔到咁有驚喜！試左朱古力味，個朱古力味都好濃甜度又唔會過甜剛剛好阿華田味就唔係好重，不過都甜甜地，好好味！

嘩！入口鬆化，實在太好味了!! 好喜歡(蔓越莓) 曲奇味道，精緻漂亮的罐子，賣相高貴！當打開鐵盒子時，香味撲鼻。特別喜歡 "亞麻籽和蔓越莓"，自己食同送禮都正，所以我年廿八再去買。。此店很易找, 因為在門外會看到有大半個人身高的胡桃夾子。此店是收8pm的, 當我逛完街吃完晚飯後已是7:50pm, 所以很趕很趕地去到店舖，尚有2分鐘關門了，一進店內，兩位店員親切而面帶開心的笑臉歡迎我們。 我問他們收工了嗎？他們真好親切有禮地表示, 不阻啦！很多時候都會晚數十分鐘才關門的，你們慢慢隨便挑吧！我是有目標而來的嘛，所以很快就決定了要什麼 (雖然平時的我有選擇困難症 XD)。總共買了3罐細的。(分別是港式茶餐廳 & 溫馨茶記敘 & 繽紛果仁) 可以試均所有味道! YES~~~原來有好多唔同精美既Packages 架~店員仲好好, 拿了數款味給我們試, 有檸茶味, 亞麻籽味, 黑白芝麻味也不錯。不過怕阻住店員下班. 所以我們只試了3款味就說下次再來過~嘿嘿~ 下次早點再來掃貨先~~因為店員告訴我們, 年廿幾取貨訂單已有2-3天full了。所以最好盡快訂, 我認為用來送禮又好味包裝又精美, 正！一盒