Steak Bar (Moved) New Location

今日同個姨生喺中環睇完醫生，所以順便食埋飯先返屋企，咁就唔使煮晚餐喇！我帶左佢去Steak Bar食牛牛！拒話上次喺日本食過吉列炸牛扒後好鐘意食，所以要order呢款！個餐有前菜，係芝麻醬豆腐，仲有沙律同飯！份牛扒好大，而且仲有少少生，所以跟左個石燒，可以自由燒返幾熟都得！由於牛扒係吉列炸，陣皮好脆，肉再略略燒一燒，牛嘅香味更突出，而且肉質仲係好嫩！名副其實嘅外脆內軟！我自己就食安格斯西冷牛扒，因為實在係懶得再燒！黎到切開件扒仲係嫩粉紅，啱曬我要求！好有牛味同冇渣，而且仲好juicy！我只係加左海鹽已經覺得好夠味，唔需要其他調味品喇！由於啲扒實在太好食喇，結果我地二人仲要加多碗飯先可以清曬啲牛扒，好滿足嘅一餐呀！