Video
Read full review
2011-04-04
64 views
我又來又來喇！！今年已經係第３次去吉野家打邊爐喇，以我呢個極極極少出街食晚飯嘅人來講呢，３次真係好多喇，仲要去同一食店就更少啦。本來都冇乜意欲又去打邊邊架，係有一日搭地鐵遠遠見到吉野家個廣告已經被吸引喇，當然唔係吉野家吸引我啦，係AD上面提發的蕃茄粒呀！！一人火鍋而係粒粒蕃茄湯喎，雖然我而家唔食得蝦蟹，不過都想去試吓個湯底呀.....幾十蚊一個火鍋又令我飽到死的確幾抵咁喎，所以呢.....係見到呢個廣告後冇耐就去試吓喇。試過兩次因為一人一爐又另加其他配菜而飽死後，今次一於只加一少泡菜而已，已很足夠喇！！不得不讚吉野家火鍋真係每次一打開蓋都令人感滿意嘅，放得整整齊齊靚靚仔仔，見到就想食，ＧＯＯＤ！唔知大家樂、美心、大快活果Ｄ係咪都一樣咁靚仔呢？我未試過呀。今次材料一樣足：長腳蟹x２、冬菇x２、粟米x２、豆腐x２、金菇一束、年糕福袋x１、芋絲x２、南瓜x２、日式粉絲１碗、燻製生煙肉１碟，另加泡菜一盒。本以為湯底會係紅紅的好濃郁架，不過滾起左一打開蓋見到原來唔係我心中所想，o依....係喎，佢個AD都話明係粒粒蕃茄湯咯，都冇話係濃湯，都係我自己諗多左而已，呀.....應該係話我想係咁而已。先
本來都冇乜意欲又去打邊邊架，係有一日搭地鐵遠遠見到吉野家個廣告已經被吸引喇，當然唔係吉野家吸引我啦，係AD上面提發的蕃茄粒呀！！
一人火鍋而係粒粒蕃茄湯喎，雖然我而家唔食得蝦蟹，不過都想去試吓個湯底呀.....幾十蚊一個火鍋又令我飽到死的確幾抵咁喎，所以呢.....係見到呢個廣告後冇耐就去試吓喇。
試過兩次因為一人一爐又另加其他配菜而飽死後，今次一於只加一少泡菜而已，已很足夠喇！！
不得不讚吉野家火鍋真係每次一打開蓋都令人感滿意嘅，放得整整齊齊靚靚仔仔，見到就想食，ＧＯＯＤ！唔知大家樂、美心、大快活果Ｄ係咪都一樣咁靚仔呢？我未試過呀。
今次材料一樣足：長腳蟹x２、冬菇x２、粟米x２、豆腐x２、金菇一束、年糕福袋x１、芋絲x２、南瓜x２、日式粉絲１碗、燻製生煙肉１碟，另加泡菜一盒。
本以為湯底會係紅紅的好濃郁架，不過滾起左一打開蓋見到原來唔係我心中所想，o依....係喎，佢個AD都話明係粒粒蕃茄湯咯，都冇話係濃湯，都係我自己諗多左而已，呀.....應該係話我想係咁而已。
先飲啖蕃茄湯，都幾有蕃茄味，勺多兩野見到有好多好多蕃茄粒，不過昆布就少咗Ｄ又唔係一塊塊係一細條狀，感覺就慳皮咗囉，好彩蕃茄味都唔錯，好食。
除了湯底，其他食材都係上兩次食過果Ｄ冇特別架喇，係到都唔多講喇，只係有一款＜年糕福袋＞好怪囉，或者我不嬲都唔鍾意食腐皮同年糕啦，所以一咬落去試吓時呢......唔.......一咬好了。
其他一樣係新鮮幾好食，尤其蟹腳正正！！食完呢個一人一鍋後真係飽死左。
Post
