大自然素食

Open Now

Now Closed

唔知係咪因為下午茶時間既關係，3點幾去到大自然素食，都差唔多滿座。幾個staff 都好勤快，好快幫我地安排好座位。兩個人叫左個黑松露芝士焗意大利雲吞、口水雞、越式香芒軟殼蟹米紙卷同腰果露。大自然素食個menu 好豐富好多選擇亦都吸引，因為都唔多黎，所以都係揀佢有一頁推介既多。口水雞其實同出便一般既素肉相似，都係豆味偏重，只係合格。米紙卷米紙比較硬，而且芒果唔夠多。黑松露芝士焗意大利雲吞就相對吸引好多，濃郁既芝士再加好多款既菇同唔同既蔬菜，真係好好食，下次黎既話都一定會再叫。腰果露又係出色，有腰果香之餘個質感仲厚薄得宜，一盎都夠兩碗兩個人食，又係如果再黎會叫既野。聽聞大自然素食唔同分店既水準參差，尖沙咀分店就幾唔錯。