Café Moa Moa by Panash (Closed)

叫左3個，2個跟餐，頭盤面包好好食!又多！跟餐棷菜湯，棷菜已打碎，濃味，偏咸，但食完餐飯唔覺好口渴喎主菜：牛排，炸雞烤餅，漢堡包好多薯條但唔算炸得好脆，有啲硬，放耐左淋左唔好食，所以要一早食晒佢會好啲牛排餐差不多$200，但好厚好大，叫5成熟，但黎左8-9成熟但都好食，唔un,呢份排如果係女仔真係會食唔晒！個漢堡包個蛋如果係流黃就好喇，但佢唔係，熟黃，個漢堡偏咸，但幾厚，抵食既！呢個炸雞包$70，原來都幾大個，每邊各2件雞，加啲菜，食完一邊加啲薯條已飽左7成星期日晚都唔滿座，3個侍應一個經理，食物係一般，但抵食，環境好好，好舒服，啲食客斯文又唔嘈，位又闊落，門口個姐姐仔可要做埋送菜，好急唔望人，一放底個菜面已擰去黎面，急急腳走，同佢講唔該都唔知佢聽唔聽到，但個姨姨好有禮貌好helpful,哥哥仔有啲被動但都有禮貌，會再黎！