Café Moa Moa by Panash (Closed)

今日三個女人黎到荃灣行街，購物過後太攰，經過呢間餐廳，望落環境都唔錯，於是就 就腳咁入左食lu~ 好味指數：5.5/10 薄餅比較乾硬， 上面d香草都放得有點hea🤣，黑松露味還好，菇的選材也比較普通，整體係麻麻地既 好味指數: 6/10菇感覺純菇味， 欠缺調味。 意大利飯同樣偏淡，肯好有黑松露作調味，才比較好點。［鮮茄燴牛尾闊麵 $118] 好味指數:6.5/10牛尾都幾軟熟，但略欠牛味，鮮茄闊麵尚算味道濃郁。 好味指數：6.5/10醬燒味濃烈，把原有的豬骨味蓋過，肉質較韌，相對難咬。 反而薯格同燒菠蘿都幾好食，薯格香脆，菠蘿香甜［酥皮龍蝦湯 $83］ 好味指數：6.5/10邪惡的酥皮偏乾，欠缺層次；湯亦偏咸，沒有龍蝦的鮮甜味。但酥皮浸落同龍蝦湯一齊食， 都幾香而口可。整體黎講，餐廳環境大而舒適，但食物就中規中矩。係呢個價錢黎講，其實應該要好食d先岩。不過可能餐廳始終主打麵包，而佢地既麵包其實都幾有質素，大家都可以試試佢。

第一次食依間野，見到冇乜客人都知咩料。。。叫左雞胸肉菠菜汁忌廉闊條麵、西冷排同脆皮豬手食。闊條麵還好，雞胸肉唔會鞋，菠菜汁唔錯。西冷排就冇得揀生熟程度，本身塊排既質素唔差的，但俾佢煮到唔掂，真係well done... 食落就食得出係煎咗好耐放低，然後落單就煎返熱佢咁。🤮🤮🤮最出事係個脆皮豬手，首先個豬手同豬手皮係分開，豬手皮炸到好油，完全擺唔入口。豬手食落去個味好似白烚之後淋汁上去咁😕😕😕

經過呢個商場搵下有咩嘢食行下行下見到呢間餐廳見入面有位，就入去試下我地選擇左落地玻璃隔尼嘅枱陽光照入嚟好chill😎Set lunch包左餐包、湯同嘢飲同行嘅朋友仔叫左焗豬扒飯！好搞笑，焗飯入面有幾粒椰果😆但朋友仔話出奇地又幾夾！哈哈😄 另外就叫左夏威夷漢堡包配薯條🍔🍟大份到朋友仔話唔知點咬好🤣都唔錯，但薯條就有少少淡，不過都ok!我自己就叫左蜆肉意粉，望落比較dry，但食落都好夠味！蜆嘅份量都算多！意粉又唔會太淋！因為我最怕好淋嘅意粉架😣但呢個唔會最後呢個就係忌廉菠菜扁意粉！啲汁比較少，不過唔會話唔夠味！

想揾間舒服d cafe 坐低傾下計又吾太貴，最终揀左荃湾廣埸。去到2点半仲有午餐，估吾到鴨胸燴黑松露飯都好味，而且個set 好抵，加十元仲有球红豆雪糕🍨，好有红豆昧😋。另外又可以免費升级饮價錢$42嘅柑桔檸蜜。望住街景，用咁嘅價錢食個午餐加下午茶都算抵

今日黎到荃灣廣場行街，行行下，見到商場一個角位有依間餐廳，同埋依個品牌嘅麵包都唔錯，所以黎試食下午茶😋😋😋入到黎，坐位算係寬落，大家唔洗坐得好逼，餐廳環境幾舒服。今次下午茶叫左一個牛角酥配雲呢拿雪糕。本身以為得一個牛角酥，原來有4個細牛角酥😳，好抵！！麵包果然無令我失望，牛角酥焗到好鬆脆，而且好香，同雲呢拿雪糕係絕配👍🏻👍🏻👍🏻另外下午茶仲跟一本嘢飲，我叫左一杯熱咖啡，味道真係配合得啱啱好！

Café Moa Moa by Panash。喜愛吃包TSxLife |餐廳的設計就如一般的食店，但背後有著一個面包出世的地方，荃灣大壩街中有滿佈食店的荃灣廣場。放工後不知道吃甚麼，隋意的尋找地點，荃灣就是最理想的晚餐地點了。Panash之前是一所面包專門店，之前有很多人會購買芝士波波。頭盤可以選湯或沙律，沙律，是一些清新的菜，令人感覺開胃；而湯，亦有熱度，令人可以先暖１下。在此同時亦會附送一點面包，也是令人有期望。難得食店有半自助形式晚飯，點了頭盤及主菜過後，麵包就可以開始任吃，但現在收起外面的面包，改向店員要求才可以下單。所以現在都不太肯定還可不可以任叫任吃面包也，以面包起家，各款的面包都想一試，不過，出色的是芝士包，芝麻包也不錯，幾香幾軟熟。主菜，我選了明太子帶子忌廉意粉。雖是專做面包食店，但其意大利粉也很好吃呢，味道也清新。日式沙律醬令意粉之滋味提高～意粉加入美味的忌廉汁，再以香口的煙肉陪襯。日式醬汁、明太子，加了帶子精華的意粉，這些全都令意粉增加了和風色彩。明太子作調味的角色很棒，味道比較香，配上其他的配菜令口味特出。.品嚐特式意粉後，在食後也有餐飲和果汁，也是很棒～總的來

已經係第二次黎幫襯，第一次大約係兩年前，當時仲有麵包放題。好懷念一望到新鮮出爐就走去攞熱辣辣包食嘅日子，取消左，呢間餐廳嘅最大特色亦隨之冇左。不過都理解，因為有時啲客人都幾無衣食，眼見好多待應執枱時都會收走籃食唔曬嘅麵包，大家黎到，都係食得曬先好嗌，唔好做大嘥鬼。依家頭盤麵包有得refill，不過就冇咗選擇權揀自己想食嘅麵包。麵包係熱辣辣上枱，但返焗同新鮮出爐嘅爭好遠，因為返焗嘅麵包會乾，不過佢熱辣辣上都好食嘅。軟法包乾啲，香草包好濃嘅香草味，值得推薦。叫左個pizza同意粉，pizza啲蝦唔霉，蝦肉爽口，上面嘅芝士夠上熱上仲有拉絲嘅效果。忌廉意粉好大碟，而且忌廉味好濃，食到後面好漏，不過係好味嘅。

這間餐廳係同Panash一集團的。逢星期三有九折。午餐有五款選擇。還有一款是每天不同的。環境幾靚同舒適，只是坐窗邊比較熱。熱檸水，成壺上的，個壺透明的，幾別緻。餐包，一籃有四款不同的麵包，暖身，好暖，加牛油食好好味。餐湯有忌廉同雜菜，兩款都夠熱，雜菜湯好足料的，兩款也是味道好好的。單點的什菌雞肉寛條麵，好香同份量也不少呀。味道是好的，菇菌，雞肉，香草。寛條麵彈身唔會太淋。麵豉醬鯖魚便當，賣相吸引，四格的，有兩大件鯖魚，一格係白飯，一格係冷豆腐，一格春卷咖喱角。咖喱角春卷香脆，冷豆腐好夠凍，少少麵豉醬，好味道！鯖魚唔腥，啖啖肉好香的！！加20元的榛子焦糖咖啡，有拉花，夠滑又香，好味。同事的西班牙辣肉腸pizza，夠香夠脆辣辣地好味道。有芝士同辣肉腸，足料的！refill了一籃麵包！門口有麵包買的！

在炎炎夏日，入到餐廳，見到餐廳張貼這張送暖苙苙滋潤金桔檬，我即時感覺餐廳仲逗留係冬季，怎會這樣，笑死我。希望餐廳能盡快更跟進，不然的話，我會多帶朋友過來開心一番。讓我嚟一次笑一次。😊

間中lunch就會黎呢度食，貪佢啲麵包可以refill，佢啲麵包係好食過主菜嘅，哈哈。綜合下呢個月食嘅先，好似都食左兩三次是日餐湯係忌廉西蘭花湯，幾清新，配麵包正。不要餐湯可要沙律，沙律就是西生菜加蕃茄，醬汁是日式沙律醋，味道平凡，勝在菜新鮮。麵包點少得，次次都要refill兩至三次，因為太好味了！香草包，芝士包，牛油蛋糕仔，樣樣都好好味，而且烘熱先上枱㗎，暖笠笠又鬆軟，唯缺點是等候需時，想要多一籃就提早叫啦。魚柳茄子石頭窩飯（$68）石窩飯上枱時超熱，泎泎聲㗎，呢款魚柳茄子用上韓式甜辣醬，甜甜地幾好味。窩蛋雞柳石窩飯（$68）呢個窩同樣就超，蛋半熟仲有蛋汁，醬汁是甜豉油，雞肉切成一條條，好好撈飯又方便食。鐵板七味豬肉腸炒烏冬（$68）即叫即炒又係超熱，豬肉腸爆汁，但個鐵pan太熱黏哂底，係咪應該一上枱即刻攪下佢好似食石窩咁呢？哈哈，下次再食試下先。日式叉燒湯烏冬配炸雞翼（$68）仲有呢個……真係唔好提啦，好豐富嘅有叉燒三大片，雞翼兩隻，仲有蛋同大量椰菜，烏冬都好彈Q，樣樣野都無問題但湯底超鹹，鹹到要張啲烏冬過冷河先食到，呢款可以唔再叫了。熱奶茶同熱咖啡，紅茶靚又大壺，抵飲。咖啡好香濃

平安夜沒有特別慶祝，照常行街吃飯，來到荃灣廣場，趁時間尚早，人流不多便選擇了Cafe Moa Moa Panash 吃晚飯。很快的選了一個二人套餐，價錢在節日來說不算貴，但也要先試試質素才可下定論。沙律新鮮開胃，忌廉湯味道不過不失。小食拼盤包括薯條、雞翼及炸洋蔥圈。相信小朋友見到會比較高興。味道也可以，唯洋蔥圈感覺太多粉了。香煎帶子忌廉意粉-忌廉很濃，喜歡吃忌廉的應該喜歡，個人則感覺有點「溜」，帶子如果可以煎得更香一點會更好。夏威夷薄餅-味道不錯，多點餡料更好。可能時間尚早，人流不算多。員工服務友善，地方也乾淨。如果節日想簡簡單單吃一餐，可以考慮這裏。

我是第一次在此寫食評，我諗通常第一次特登開個ac原因都是曾幫襯某間餐廳太差不吐不快！（當然也有好的）我住呢區巳有段日子，而我家是一個較為少煮飯的家庭，通常當區有餐廳新開我都會試下，呢間西餐廳大約兩年前開業，當時我點了一個龍脷柳餐（通常我都無咩記性，但呢間嘢實在難以忘記），我係一個對食物要求不是太高的人，（環境及服務水準較為著重）但當然好的食物質素及廚藝是食得出來的，遇上好及用心煮的食物必定感恩，並放在心待有機會再幫襯或介紹他人。回歸話題，當時魚煮出來又乾又腥（真係食過你就知），當然如果它是一間開在後巷街檔收我30蚊我係唔會有要求，但佢開到一間中檔收取80-100個午餐的餐廳，水準係完全接受唔到！自始我當然無再去。當然我一星期經過幾次呢個商場，但從來都無再考慮，因為我對於無用心煮出黎嘅餐廳（起碼唔係比垃圾我食）我唔會再幫襯。好嘞，喺兩年後嘅今日，另一半話試下呢間，話好似轉咗手，地點一樣，但巳經改咗名（之前係叫paxxxx, 但宜家改了另一個名，坐低後始發現都係同一公司，可能之前個名做壞了)。當時11點鐘左右，餐廳得一枱客（即是不是因忙關係啦），我點了個日式咖喱銀鱈魚，上枱後巳發現完全貨不

週日相約三位朋友到荃灣吃飯，其中一位朋友推介這間餐廳，說下午的麵包放題不錯，晚餐也好吃。室內環境尚算寬敞，有一大塊落地玻璃，可以看到荃灣夜景。食物選擇頗多，有set dinner, 我們選擇散叫，能吃到心儀菜式。麵包籃set D $48，包餐湯及餐飲各一杯，麵包由Panash出品，會烘至微熱上枱，客人吃完可以無限refill扒珍寶烤菇配黑松露意大利飯 $118黑松露味適中，味道偏淡，配料有很多菇，珍寶菇也彈牙多汁，不過不失。小食拼盤有炸魚塊，炸雞翼，炸洋蔥圈，薯格，烤漿不會太厚，全部食物都炸得很香脆黑松露雞柳闊麵$98我覺得是今晚最好吃的一道菜，黑松露味比剛才的意大利飯濃郁配料有很多菇和雞柳，雞柳略嫌不夠嫩滑。這是第二輪refill了的麵包籃。整體來說食物質素比想像中好出餐速度也快但樓面只有2-3個員工，人手不足，見侍應生整晚都忙著東奔西跑招待客人，餐廳如能增加人手服務會更好!

原來呢間餐廳已開業幾年，真係唔講唔知，可能係個位比較入，唔係同事介紹都唔知佢存在。是日一班同事出黎食午餐，一人點左一個set，午餐時段有麵包籃送，而且仲係無限任添的，麵包熱烘烘新鮮出爐👍香草包好香軟，淡淡的香草味好正。提子包都唔錯，但口感略乾。午餐set可選餐湯或沙律，揀左要餐湯，是日餐湯係忌廉湯，味道較淡較稀，但好在夠熱，都ok嘅。煎三文魚扒配薯菜（$82）自己點左呢款，唔係想像中嘅樣，仲以為係厚身的三文魚扒…上碟先知係三塊薄切，咁薄又係煎當然就係又乾又硬啦，口感很鞋，醬汁都起唔到咩作用。薯菜有薯仔切半三塊，數棵西蘭花同紅蘿蔔，份量偏少的。餐飲要了凍檸茶，糖水是分開上的，自行調味。主菜味道有點失望，但勝在麵包好味，環境大又靜局，午餐時段都不用等位，而且星期三黎有九折，即係免左加一啦，都抵食嘅😊

叫左3個，2個跟餐，頭盤面包好好食!又多！跟餐棷菜湯，棷菜已打碎，濃味，偏咸，但食完餐飯唔覺好口渴喎主菜：牛排，炸雞烤餅，漢堡包好多薯條但唔算炸得好脆，有啲硬，放耐左淋左唔好食，所以要一早食晒佢會好啲牛排餐差不多$200，但好厚好大，叫5成熟，但黎左8-9成熟但都好食，唔un,呢份排如果係女仔真係會食唔晒！個漢堡包個蛋如果係流黃就好喇，但佢唔係，熟黃，個漢堡偏咸，但幾厚，抵食既！呢個炸雞包$70，原來都幾大個，每邊各2件雞，加啲菜，食完一邊加啲薯條已飽左7成星期日晚都唔滿座，3個侍應一個經理，食物係一般，但抵食，環境好好，好舒服，啲食客斯文又唔嘈，位又闊落，門口個姐姐仔可要做埋送菜，好急唔望人，一放底個菜面已擰去黎面，急急腳走，同佢講唔該都唔知佢聽唔聽到，但個姨姨好有禮貌好helpful,哥哥仔有啲被動但都有禮貌，會再黎！