三點三冰室

Open Now

Now Closed

今日喺啟德呢邊收工，未到食飯時候就去咗airside行街，最後就決定食呢間網上好高人氣嘅冰室。之前都嚟食過，但係今次第一次見到有餐廳嘅人帶埋狗狗嚟，真係勁得意，有狗仔嘅朋友都可以嚟食飯。今日一坐低見到佢哋有個晚餐餐牌有啲扒餐，個名勁得意，叫吱吱又喳喳，個名幾得意，於是決定叫香燒羊架餐，配埋日式粟米湯同薯條。一上枱真係好有氣勢，羊架唔會好搔，亦都唔會好鞋，粟米湯真係好清甜，好creamy！後來朋友們都話不如叫啲小食一齊分享嚟食，最後就決定叫芝心蝦多士同迷你炸饅頭。蝦多士炸得十分之酥脆，啲油亦都完全冇油膱味。三饅頭細細個，幾好食，除咗平時嘅煉奶，更加有maple syrup。朋友就叫咗個南洋喇沙，入面有魚片、豆卜、蝦仁，都算好足料，湯底都好濃郁，個面亦都煮得幾好，呢個口感幾好食。最後都有叫埋個太陽蛋焗肉醬意粉，新鮮出爐嘅焗嘢真係冇得輸，超多肉醬，不過最完美都係個太陽蛋，煎得嗰邊好香，但係蛋黃仲係可以留心嘅，正！