李錦基越南餐廳 (Closed)

小弟首次執筆寫食評，皆因不吐不快之故。昨晚同家姐點了香茅豬扒湯河及撈檬各一客，豬扒全無香茅味，肉質又鞋又柴，又有點過咸，好似隔夜食淨咁，舊肉連普通茶記的炸豬扒都比唔上，感覺十分無癮！就算嗰碗湯河其實也好一般，河粉略嫌淋了一點，連加一實收百六蚊，食物質素完全對唔住呢個價錢，印象中我已經是第二次幫襯，如無意外應該唔會再有下次，免得又再中伏。昨晚因除夕關係，好多食肆提早打徉，去食呢間似乎真係命中注定！