福岡漢堡扒 (厚福街) (Closed)

今日經過尖沙咀厚福街，見到間間食店都好多人排隊，於是就揀咗一間比較少人排隊嘅食店。起初都有啲擔心，驚食物唔好食，但最後竟然充滿驚喜！呢間食店嘅漢堡扒真係好好味，賣相非常吸引，而且職員態度又殷切。除咗好味，仲好好玩，因為塊漢堡扒係要自己燒，切幾大舊係自己話事，要煮幾熟都係自己話事。塊漢堡扒係用一舊燒熱左嘅石頭去煮，隨着時間舊石頭會冇咁熱，但係職員好快就會幫你換一舊好熱的，服務非常之好！我非常享受這一餐，有機會一定會再次光顧！